19 قاراشا, 11:16 278 0 الەۋمەت انار لەپەسوۆا

15 جاسىندا ۋنيۆەرسيتەت بىتىرەتىن قازاق ۆۋندەركيندى جايلى نە بىلەمىز؟

قازاق-بريتان تەحنيكالىق ۋنيۆەرسيتەتىنىڭ ءىىى كۋرس ستۋدەنتى 14 جاستاعى ابزال مىرزاش كەلەر جىلى باكالاۆر ديپلومىن الادى.

«سوڭعى كۇندەرى بۇكىل الەم توعىز جاسار بەلگيالىق لوران سيمونستىڭ ەرەكشە دارىنى جايلى پىكىر تالاستىرۋدا. ەلەكتروتەحنيكا بويىنشا ءبىلىم الىپ جاتقان جاس دارىن جەر ءجۇزىن اۋزىنا قاراتىپ، تەز وقۋ قابىلەتىمەن جۇرتتى تاڭ قالدىرۋدا. ءبىزدىڭ ەلدە دە سونداي دارىندى بالالار جەتەرلىك. سولاردىڭ ءبىرى قازاق-بريتان تەحنيكالىق ۋنيۆەرسيتەتىنىڭ ءىىى كۋرس ستۋدەنتى 14 جاسار ابزال مىرزاش كەلەر جىلى باكالاۆر دەڭگەيىن الادى»، - دەپ ءبىلىم جانە عىلىم مينيسترلىگىنىڭ Facebook پاراقشاسىندا جاريالاندى.

جاس دانىشپان وسى كۇنگە دەيىن نەگىزگى ماماندىعىمەن قاتار، بىرنەشە وزگە سالالار بويىنشا ءبىلىم الۋدا. اقپاراتتىق تەحنولوگيالار باعىتىندا ىزدەنىس ۇستىندە جۇرگەن ابزال جوو-دان كەيىن ماسساچۋسەتس تەحنولوگيالىق ينستيتۋتىنىڭ ماگيستراتۋراسىنا ءتۇسۋدى ماقسات ەتكەن.

سوڭعى جاڭالىقتار