18 قاراشا, 22:46 306 0 تۇلعا انار لەپەسوۆا

ەلوردادا قانىش ساتپاەۆتىڭ ەسكەرتكىشى بوي كوتەرەدى

باس قالادا عالىم، اكادەميك جانە گەولوگ قانىش ساتپاەۆتىڭ قۇرمەتىنە ەسكەرتكىش قويىلادى، دەپ حابارلادى ەلوردا ينفو.

«نۇر-سۇلتان قالاسىندا قانىش ساتپاەۆتىڭ، ال پاۆلوداردا اباي مەن ەستايدىڭ ەسكەرتكىشتەرى ورناتىلادى. پاۆلودار وبلىسىنىڭ اكىمى بولات باقاۋوۆتىڭ توراعالىعىمەن وبلىستىق تاريحي-مادەني مۇرالارىن قورعاۋ جانە پايدالانۋ جونىندەگى كوميسسيانىڭ وتىرىسى ءوتتى. پاۆلودارلىق بەلگىلى مۇسىنشىلەر، سۋرەتشىلەر، ارحەولوگتار، مەملەكەتتىك قىزمەتكەرشىلەردەن تۇراتىن ساراپشىلاردىڭ نازارىنا ەلىمىزدىڭ اتاقتى مۇسىنشىلەرىنەن 28 جوبا ۇسىنىلدى»، - دەپ جازىلعان پاۆلودار قالالىق اكىمدىگىنىڭ Facebook پاراقشاسىندا.

حابارلامادا ايتىلعانداي، مۇسىنشىلەردىڭ قاتارىندا نۇر-سۇلتان، الماتى، اقتوبە، قاراعاندى جانە ماسكەۋدەن كەلگەن شەبەرلەر بار.

«جۇمىس اۆتورلارىنا قانىش ساتپاەۆتىڭ وتانىنا شەكسىز سۇيىسپەنشىلىك، اباي قۇنانباەۆتىڭ فيلوسوفيالىق ويىنىڭ تەرەڭدىگى جانە ەستاي بەركىمباەۆتىڭ جانىنىڭ ليريكاسىن كورسەتۋ مىندەتتەلگەن. كەزدەسۋ قورىتىندىسى بويىنشا بولاشاق مونۋمەنتتەر جوبالارىنىڭ ۇزدىك نۇسقالارى ىرىكتەلدى»، - دەلىنگەن حابارلامادا.

ەندىگى ۋاقىتتا ىرىكتەۋدەن وتكەن جوبالار قر-دا ورناتىلاتىن ەسكەرتكىشتەر مەن مونۋمەنتتەر جونىندەگى مەملەكەتتىك كوميسسياسىنىڭ قاراۋىنا بەرىلەتىن بولادى.

سوڭعى جاڭالىقتار