18 قاراشا, 19:05 294 0 قوعام انار لەپەسوۆا

تۇرعىن ءۇي قۇرىلىسىنا بولىنگەن قارجىنى يگەرە الماعان قاي وڭىرلەر؟

قارجىنى ءتيىمدى پايدالانا الماعان ايماقتار اقشانى قايتارۋدى كوزدەپ وتىر. ولار: تۇركىستان، باتىس قازاقستان، قاراعاندى وبلىستارى. 

ال، جالعا بەرىلەتىن باسپانالار بويىنشا جوبالاردى ىسكە اسىرۋ كەزىندە پاۆلودار، ماڭعىستاۋ، اتىراۋ وبلىستارىنىڭ اكىمدىكتەرى بولىنگەن قاراجاتتى تولىق يگەرمەگەن، دەپ حابارلايدى  "الماتى" ارناسى. 

ەلىمىزدىڭ يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆتىڭ ايتۋىنشا، رەسپۋبليكا بويىنشا جىلدىق جوسپار 13 ميلليون شارشى مەتردى قۇرايدى. دەگەنمەن، 10 ايدىڭ قورىتىندىسىنا ساي نۇر-سۇلتان قالاسىندا تۇرعىن ءۇيدى پايدالانۋعا بەرۋ قارقىنى 35,8 پايىزعا تومەندەگەن. سونىڭ سالدارىنان، دىتتەگەن مەجەگە جەتە الماۋ قاۋپى بار.

جاۋاپتى ۆەدومستۆو باسشىسىنىڭ ايتۋىنشا، بيىل تۇرعىن ۇيلەردى ۋاقىتىلى پايدالانۋعا بەرۋ ءۇشىن قۇرىلىس الاڭدارىنا ينجەنەرلىك-كوممۋنيكاتسيالار وتكىزۋگە 77,3 ميلليارد تەڭگە ءبولىندى. 10 ايدىڭ قورىتىندىسى بويىنشا، قارجىلاندىرۋ جوسپارىنا سايكەس وڭىرلەرگە شامامەن 60 ميلليارد تەڭگە اۋدارىلدى. ونىڭ 56,3 ملرد تەڭگەسى يگەرىلدى. ال، قارجىنى ءتيىمدى پايدالانا الماعان ايماقتار اقشانى قايتارۋدى كوزدەپ وتىر ەكەن.

سوڭعى جاڭالىقتار