18 قاراشا, 19:01 294 0 ساياسات انار لەپەسوۆا

پرەزيدەنت وسىدان 28 جىل بۇرىنعى تاريحي وقيعانى ەسكە الدى

قاسىم-جومارت توقاەۆ ءوزىنىڭ تۆيتتەر پاراقشاسىندا وسىدان تۋرا 28 جىل بۇرىن ماڭىزدى قۇجاتتىڭ قابىلدانعانىن ەسكە سالدى. 

«18.11.1991ج. ن.نازارباەۆتىڭ باستاماسىمەن شەتەلدەگى قانداستارىمىزدى ەلگە كوشىرۋ تۋرالى قازسسر ۇكىمەتىنىڭ قاۋلىسى قابىلداندى. بۇل قانداستارىمىزدىڭ تاريحي وتانىنا ورالۋىنا مۇمكىندىك بەرگەن ماڭىزدى قۇجات بولدى. 1991 ج. بەرى قازاقستانعا 1 ملن. استام قازاق كوشىپ كەلدى», - دەپ جازدى مەملەكەت باسشىسى.

18.11.1991ج. ن.نازارباەۆتىڭ باستاماسىمەن شەتەلدەگى قانداستارىمىزدى ەلگە كوشىرۋ تۋرالى قازسسر ۇكىمەتىنىڭ قاۋلىسى قابىلداندى. بۇل قانداستارىمىزدىڭ تاريحي وتانىنا ورالۋىنا مۇمكىندىك بەرگەن ماڭىزدى قۇجات بولدى. 1991 ج. بەرى قازاقستانعا 1 ملن. استام قازاق كوشىپ كەلدى.

ايتا كەتەيىك، بيىل قىركۇيەك ايىندا مەملەكەت باسشىسى «ورالمان» دەگەن اتاۋدان باس تارتۋ قاجەتتىگىن جەتكىزگەن ەدى.

«بۇعان دەيىن ايتقانىمداي، تاريحي وتانىنا ورالعان قازاقتاردى «ورالمان» دەپ اتاۋدان باس تارتىپ، «قانداس» تەرمينىن پايدالانعانىمىز ءجون. جەتى اتاسىن بىلەتىن حالىققا «قانداس» دەگەن ۇعىم جاراسادى», - دەپ جازدى توقاەۆ.

قازاقستانعا قايتىپ كەلگەن قازاقتاردى «ورالمان» دەپ اتاۋدان باس تارتۋ كوپتەن بەرى قوعامدا تالقىلانىپ ءجۇر. بۇل ءسوزدىڭ ورنىنا «قانداس»، «باۋىرلاس» دەگەن تەرميندەردى قولدانۋ قاجەت دەگەن پىكىر بار. وسى ماسەلە پارلامەنتتە دە كوتەرىلگەن ەدى.

سوڭعى جاڭالىقتار