18 قاراشا, 10:44 250 0 جاھان انار لەپەسوۆا

فرانكفۋرت اۋەجايىندا ەكى ۇشاق سوقتىعىستى

گەرمانيانىڭ فرانكفۋرت-نا-ماينە قالاسىنىڭ اۋەجايىندا ەكى ۇشاق سوقتىعىسىپ قالدى، دەپ حابارلادى قازاقپارات تاسس اگەنتتىگىنە سىلتەمە جاساپ.

جەكسەنبى كۇنى DPA اگەنتتىگى اتالمىش اۋەجايدىڭ وپەراتورىنا سىلتەمە جاساي وتىرىپ، وقيعا سالدارىنان ەشكىم زارداپ شەكپەگەنىن حابارلادى. سەبەبى ەكى ۇشاق تا وتە تومەن جىلدامدىقپەن كەلە جاتقان.

سوقتىعىسقان Korean Air جانە Air Namibia كومپانيالارىنىڭ ۇشاقتارى. كولىكتەردىڭ ءبىرىنىڭ رولىنە، ەكىنشىسىنىڭ ءبىر قاناتىنا زاقىم كەلگەن. كورەيالىق كومپانيانىڭ ۇشاعى جەكسەنبى كۇنى عانا سەۋلگە ۇشتى. جولاۋشىلارعا قوناق ۇيلەردىڭ بىرىنەن ورىن بەرىلدى.

Fraport اۋەجايىنىڭ وپەراتور-كومپانياسى مامانداردىڭ وسى وقيعامەن بايلانىستى بارلىق مالىمەتتەردى جيناپ جاتقانىن حابارلاعان. ساراپشىلار «قارا جاشىكتىڭ» اقپاراتتارىن زەردەلەۋدە.

سوڭعى جاڭالىقتار