16 قاراشا, 13:23 297 0 قاۋىپسىزدىك انار لەپەسوۆا

باقىتجان ساعىنتاەۆ الماتىداعى پوليتسيا ءموبيلدى پۋنكتتەرىنىڭ جۇمىسىن تەكسەردى

الماتى اكىمى باقىتجان ساعىنتاەۆ جاياۋ جۇرگىنشىلەر جولىندا ورنالاسقان ءموبيلدى پۋنكت ينسپەكتورلارىنىڭ كەزەكشىلىگىن تەكسەردى. بۇل تۋرالى شاھار باسشىسى ءوزىنىڭ Instagram پاراقشاسىندا جازدى. 

«ساياحات»، كوك بازار، گاندي ساياباعى، «اتاكەنت»، پانفيلوۆتەگى جاياۋ جۇرگىنشىلەر جولىندا ورنالاسقان ءموبيلدى پۋنكت ينسپەكتورلارىنىڭ كەشكى ۋاقىتتاعى كەزەكشىلىگىن تەكسەردىم. قالا تۇرعىندارىنىڭ پىكىرىنشە، كوڭىل جاي تاپتى، اسىرەسە قازىرگىدەي قاراڭعى ەرتە تۇسكەن شاقتا مۇنىڭ ماڭىزى زور.

ءموبيلدى پۋنكتتەردى ورنالاستىرۋ قانداي دا ءبىر ايماقتىڭ كريمينوگەندىك جاعدايىنا تالداۋ جاساۋ ارقىلى جۇزەگە اسپاق.

ادامدار كوپ جينالاتىن جەرگە پوليتسيانىڭ ءموبيلدى پۋنكتتەرىن ورنالاستىرۋ — قوعامدىق قاۋىپسىزدىكتى قامتاماسىز ەتۋدىڭ تاعى ءبىر پارمەندى شاراسى. ازىرگە مۇنداي 22 بەكەت قويىلسا، جىل سوڭىنا دەيىن تاعى 10 بەكەت سالىنادى.

قالا تۇرعىندارى ۋچاسكەلىك ينسپەكتورلاردىڭ جۇمىسىنا قولايلى جاعدايدىڭ جاسالعانىن بايقاپ ۇلگەردى. تازا ءارى اشىق قىپ جاسالعان پۋنكتەر جىلۋ جانە سانيتارلىق جۇيەمەن قامتاماسىز ەتىلگەن.

قاۋىپسىز قالا — مەنىڭ جەكە باقىلاۋىما الىنعان باستى باسىمدىقتاردىڭ ءبىرى. قالا تۇرعىندارى وزدەرىن قاۋىپسىز سەزىنۋى كەرەك»، - دەپ جازدى قالا اكىمى.

سوڭعى جاڭالىقتار