15 قاراشا, 22:03 348 0 ەكولوگيا انار لەپەسوۆا

قازاقستان قىرعىزستانعا 50 قاراقۇيرىق بەرمەك

قىرعىزستان قازاقستاننان 50 قاراقۇيرىق سۇراتتى. قىرعىزدار سونىڭ كومەگىمەن ەلدە اشاتۇياقتى سۇتقورەكتىنىڭ وسى ءتۇرىن ساقتاپ قالعىسى كەلەدى. بۇل تۋرالى قىرعىزستاننىڭ قورشاعان ورتانى قورعاۋ اگەنتتىگىنە سىلتەمە جاساپ ورتالىق ازيانىڭ جاڭالىقتار قىزمەتى حابارلادى. 

مەملەكەتتىك مەكەمە قاراقۇيرىقتاردى ىستىقكولدىڭ سولتۇستىك جاعالاۋىنا، ورتو-توكوي سۋ قويماسىنىڭ وڭتۇستىك-باتىس جاعىنا جىبەرۋدى كوزدەپ وتىر.

"وسى جەر قاراقۇيرىقتاردىڭ ءومىر سۇرۋىنە ىڭعايلى. جاقىن ماڭدا ورتو-توكوي سۋ قويماسى بار. وتكەن عاسىردىڭ 30-70-جىلدارى مۇندا قاراقۇيرىق بولعان" دەدى اگەنتتىك باسشىسى ميرسلاۆ امانكۋلوۆ.

80-جىلدارى قاراقۇيرىق سانى كۇرت كەمىگەن. قازىر مۇندا قاراقۇيرىق قالماعان.

اگەنتتىك مالىمەتى بويىنشا، قىرعىزستان مەن قازاقستان 50 قاراقۇيرىق الۋ تۋرالى حاتتاما قابىلداعان. قازىر سوعان بايلانىستى كەلىسسوزدەر ءجۇرىپ جاتىر.

قاراقۇيرىق قىرعىزستاننىڭ قىزىل كىتابىنا ەنگەن. ونى اتقاندارعا ءبىر ميلليون سوم ايىپپۇل سالىنادى.

سوڭعى جاڭالىقتار