عارىش سالاسىنداعى وڭ ىستەر

«قازاقستانداعى عارىش كۇندەرى: بايقوڭىر – الەمدىك عارىش بەسىگى». ەلوردادا ءدال وسىنداي اتاۋمەن حالىقارالىق فورۋم ءوتتى. وسىمەن جەتىنشى رەت ۇيىمداستىرىلعان شاراعا الەمنىڭ 25 ەلى­نەن كەلگەن عارىش سالاسىنىڭ 650-دەن استام ساراپشىسى قا­تىستى.

جيىنعا قاتىسۋشىلار قازاقستان­داعى عارىش سالاسىنىڭ جەتىستىكتەرى مەن دامۋ مۇمكىندىكتەرى، جاڭا اەروعا­رىش­تىق تەحنولوگيالاردى ەنگىزۋ جانە باي­قوڭىرداعى تاريحي وزگەرىستەر جايىن­دا اڭگىمە ءوربىتتى. فورۋمنىڭ اشىلۋ سالتاناتىنا قاتىسقان ۇكىمەت باس­شىسى اسقار مامين «بايقوڭىر» عار­ىش ايلاعى دامۋدىڭ جاڭا كەزەڭىنە ءوت­كەنىن ايتىپ ءوتتى. ودان بولەك پرەمەر-مينيستر قازاقستاننىڭ باي­لانىس عارىش جۇيەلەرىن قارجىلان­دىرۋ­دى 300 ملن دوللارعا دەيىن جەتكىزۋ تۋ­رالى جوسپارىمەن ءبولىستى. ايتا كەتەيىك، جۋىق ارادا بايقوڭىر عارىش اي­لاعىندا «بايتەرەك» ەكولوگيالىق قاۋىپ­سىز عارىش زىمىران كەشەنىن قۇرۋ بويىنشا ارنايى جوبانى جۇزەگە اسىرۋ جۇمىستارى باستاۋ الماق.

ەلىمىزدىڭ عارىش سالاسىنداعى باس­تى جەتىستىكتەرىنىڭ ءبىرى – عارىش اپ­­پاراتتارىن قۇراستىرۋ-سىناۋ كەشە­نى. ءبۇ­گىندە كەشەن قۇرىلىسىنىڭ اياقتال­عانى تۋرالى اكتىگە قول قويىلدى. ەندى اتالعان كەشەن قازاقستاندىق عارىش سا­لاسىن جاڭا دەڭگەيگە كوتەرۋ ءۇشىن قىز­مەت ەتپەك. «بۇگىنگى كۇنى قازاقستاندا ەكى تەلەكوممۋنيكاتسيالىق سپۋتنيك جۇ­مىس ىستەيدى. ءبىز وسى سالاداعى ءمۇم­كىندىكتەرىمىزدى ودان ارى دامىتۋدى كوزدەۋدەمىز. كەشە عانا قۇراستىرۋ-سىناۋ كەشەنىنىڭ قۇرىلىسى اياقتالدى، ياعني 2020 جىلى ءبىز ءوز سپۋتنيگىمىزدىڭ جوباسىن جاساپ، وندىرۋگە كىرىسۋ ارقىلى جاڭا دەڭگەيگە كوتەرىلۋدى جوسپارلاپ وتىرمىز. بۇل – قازاقستاننىڭ الەمدىك عارىش قاۋىمداستىعىنىڭ تولىققاندى مۇشەسى رەتىندەگى باستاماسى»، – دەدى تسيفرلىق دامۋ، يننوۆاتسيالار جانە اەرو­عارىش ونەركاسىبى ءمينيسترى اسقار جۇماعاليەۆ.