13 قاراشا, 15:09 312 0 ايماق انار لەپەسوۆا

الماتى: 14 قاراشادا اباي داڭعىلىندا كولىك قوزعالىسى شەكتەلەدى

الماتىدا اباي داڭعىلى ۋاقىتشا جابىلادى، دەپ حابارلايدى «مەتروپوليتەن» كمك ءباسپاسوز قىزمەتى. 

حابارلاماعا سۇيەنسەك،  14 قاراشا كۇنى ساعات 23:00 - 06:00 ارالىعىندا اباي داڭعىلىنىڭ شىعىسقا قاراي №6 ىقشاماۋدانداعى №3 ءۇيدىڭ ماڭىنداعى جاياۋ جۇرگىنشىلەر جولاعىنان باستاپ كولىك بۇرىلىسىنا دەيىنگى اۋماعى جابىلىپ، كولىك قوزعالىسى شەكتەلەدى.

«ماسكەۋ - سارىارقا ستانساسى» جوباسىن جۇزەگە اسىرۋ ماقساتىندا جول جابىلادى. سۋ جەلىلەرى جول استىنان جۇرگىزىلەدى. «سۋمەن جابدىقتاۋ جانە كارىز جەلىلەرىن سىرتقى قالالىق جەلىلەرگە قوسۋ» جوباسىن ىسكە اسىرۋ ءۇشىن اباي داڭعىلىنىڭ بويىندا جەر استى كارىزىن توسەۋ جۇمىستارى جۇرگىزىلەدى»، - دەلىنگەن «مەتروپوليتەن» كمك حابارلاماسىندا.

 

سوڭعى جاڭالىقتار