12 قاراشا, 20:52 301 0 الەۋمەت انار لەپەسوۆا

قۇرىلىسشى جانىپ جاتقان ۇيدەن بەسىكتەگى ءسابيدى امان الىپ شىقتى

ەلورداداعى ساياجايدان شىققان ورتتەن قۇرىلىسشىلار 3 ايلىق ءسابيدى امان الىپ قالدى، دەپ حابارلايدى قازاقپارات.

قر ءىىم تجك توراعاسى ۆلاديمير بەككەر وقيعانىڭ ءمان-جايىن ايتىپ بەردى. «ءورت بولعان كۇنى ۇيدە اناسى مەن 2016, 2019 جىلى تۋعان ەكى بالاسى بولعان. اناسى دالاعا شارۋالارىمەن شىعىپ كەتكەن كەزدە ۇلكەن ۇلى سىرىڭكەنى قولىنا الىپ ويىنعا اينالدىرعان. ناتيجەسىندە ۇيدەگى زاتتار ورتەنە باستاعان»، - دەيدى ول.

بالالاردىڭ اناسى كىرگەن كەزدە ءۇي ءىشى كوك ءتۇتىن بولعان جانە شىعا بەرىس ەسىكتە 2016 جىلى تۋعان ۇلى جاتقان. «ۇلىن دالاعا شىعارعان اناسى ۇيگە قايتا كىرە الماعان. ساياجاي ماڭىندا ورنالاسقان قۇرىلىس كومپانياسىنىڭ جۇمىسشىلارى كومەككە كەلگەن. ءۇش قۇرىلىسشىنىڭ ءبىرى جانىپ جاتقان ۇيگە كىرىپ، بەسىكتە جاتقان 2019 جىلى تۋعان ءسابيدى الىپ شىققان»، - دەيدى كوميتەت توراعاسى.

2019 جىلعى ءسابيدىڭ دەنەسى 7% كۇيىپ قالسا، ۇلكەن ۇلى ىستان ورتاشا دەڭگەيدە ۋلانعان. «استانا دور يندۋستريا» جشس-نىڭ جۇمىسشىسى، راميل احمەتجانوۆ ەسىمدى قۇتقارۋشى ەرلىگى ءۇشىن مەدالمەن ماراپاتتالادى.

 

سوڭعى جاڭالىقتار