11 قاراشا, 18:49 327 0 جاھان انار لەپەسوۆا

كورەيادا جول اپاتىنا سەبەپكەر بولعان قازاقستاندىق ەلىمىزگە دەپورتاتسيالاندى

وڭتۇستىك كورەيانىڭ چحوننان قالاسىندا جۇرگىزۋشى كۋالىگىنسىز جول اپاتىنا تۇسكەن قازاقستاندىق ەلگە دەپورتاتسيالاندى. بۇل جايىندا بۇگىن بريفينگ بارىسىندا قر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى، دەپ حابارلادى قازاقپارات. 

«جول-كولىك اپاتى چحونان قالاسىندا ورىن العان. جەڭىل كولىكتى باسقارىپ كەلە جاتقان قازاقستاندىق جۇك كولىگىنە سوقتىققان. ونىڭ جۇرگۋشى كۋالىگى بولماعان. قازىرگى ۋاقىتتا ول قازاقستان اۋماعىندا ءجۇر. ول جاقتا ماسەلە جۇك كولىگىنىڭ جۇرگىزۋشىسىمەن ەكەۋارا كەلىسىم ارقىلى شەشىلگەن. ءبىزدىڭ ازاماتىمىزعا ەشقانداي تالاپ جوق. ونى وڭتۇستىك كورەيا اۋماعىندا زاڭسىز جۇرگەنى ءۇشىن شىعارىپ جىبەردى»، - دەدى رەسمي وكىل.

ايبەك سماديروۆتىڭ ايتۋىنشا، قازاقستان ازاماتىنا ەمدەلۋ جانە جۇك كولىگى جۇرگىزۋشىسىنىڭ شىعىندارىن وتەۋگە ەلشىلىك جانە سول جاقتا جۇرگەن قازاقستاندىقتار قول ۇشىن سوزعان. «وعان قاجەتتى سومانى جيناپ بەردى. ول سول جاقتا ۇزاق ۋاقىت ەم الدى. ەمدەلەۋ ءساتتى ءوتتى. قازىر قازاقستان اۋماعىندا، ونىڭ جاعدايى جاقسى»،- دەدى ول.

سوڭعى جاڭالىقتار