11 قاراشا, 18:42 339 0 ساياسات انار لەپەسوۆا

پرەزيدەنت 12 جىلدىق وقۋ جۇيەسىنە كوشۋدە اسىعىستىققا جول بەرمەۋ كەرەگىن ەسكەرتتى

قازاقستان پرەزيدەنتى ءبىلىم جانە عىلىم ءمينيسترى اسحات ايماعامبەتوۆتى قابىلداپ، ۆەدومستۆونىڭ قازىرگى جۇمىستارى مەن الداعى جوسپارلارى تۋرالى اقپاراتپەن تانىستى.

قاسىم-جومارت توقاەۆ ءبىلىم باعدارلامالارى مەن وقىتۋ دەڭگەيى زامان تالابىنا ساي كەلمەيتىن جوعارى وقۋ ورىندارىنىڭ ليتسەنزيالارىن وزدىگىنەن قايتارىپ الۋ ماسەلەسىندە مينيسترلىكتى قولدادى جانە اتالعان ماسەلە بويىنشا زاڭنامالىق دەڭگەيدە ءتيىستى نورماتيۆتىك-قۇقىقتىق بازا ازىرلەۋدى تاپسىردى.

سونىمەن قاتار پرەزيدەنت مينيسترلىككە 12 جىلدىق وقۋ مەرزىمىنە قاجەتتى ينفراقۇرىلىمدى، باعدارلامالار مەن جالپى ءبىلىم جۇيەسىن دايىنداۋعا باسىمدىق بەرە وتىرىپ، جۇيەلى تۇردە، اسىقپاي كوشۋ كەرەكتىگى جونىندە تاپسىرما بەردى. رەسپۋبليكالىق بيۋدجەتتىڭ ورىندالۋىن باقىلاۋ جونىندەگى ەسەپ كوميتەتىنىڭ توراعاسى ناتاليا گودۋنوۆا قاسىم-جومارت توقاەۆقا قازاقستان حالقىنا ارنالعان جولداۋىنداعى بەرىلگەن تاپسىرمالاردىڭ ورىندالۋ بارىسىن باياندادى.

پرەزيدەنت كۆازيمەملەكەتتىك سەكتور جۇمىسىنىڭ تيىمدىلىگى جايىنداعى تالداۋ ناتيجەلەرىمەن تانىستى. ن.گودۋنوۆا بىرقاتار وڭىردەگى، اتاپ ايتقاندا، شىعىس قازاقستان، قوستاناي وبلىستارى مەن الماتى قالاسىنا، سونداي-اق، جەكەلەگەن مەملەكەتتىك ورگاندارعا جۇرگىزىلگەن اۋديت بارىسى جونىندە مالىمەت بەردى. كەزدەسۋ قورىتىندىسى بويىنشا مەملەكەت باسشىسى بىرقاتار ناقتى تاپسىرما بەردى.

سوڭعى جاڭالىقتار