11 قاراشا, 10:19 317 0 ايماق انار لەپەسوۆا

قوستاناي وبلىسىندا ەكى بالا مۇز ۇستىندە ويناپ ءجۇرىپ كوز جۇمدى

قوستاناي وبلىسىندا مۇز ۇستىندە ويناپ جۇرگەن ەكى بالا سۋعا قۇلاپ كەتىپ، قايتىس بولدى، دەپ حابارلايدى تengrinews.kz تج كوميتەتىنە سىلتەمە جاساپ.

وقيعا 10 قاراشادا جىتىقارا قالاسىندا 16:25-تە بولعان. پوليتسەيلەر جاساندى سۋقويماسىنان تاعى ءۇش بالانى قۇتقارعان.

"الدىن الا مالىمەت بويىنشا، تەرەڭدىگى ەكى مەتر بولاتىن ءالى دۇرىس قاتپاعان مۇزدىڭ ۇستىندە بالالار ويناپ جۇرگەن. پوليتسەيلەر قۇتقارىلعان بالالاردى دەرەۋ جەدەل جاردەم بريگاداسىندا تاپسىرعان، ولاردى اۋرۋحاناعا الىپ كەتتى. اۋداندىق ورتالىق اۋرۋحانادا دارىگەرلەر ەكى بالانىڭ قايتىس بولعانىن ايتتى، ولار 2014 جانە 2013 جىلعى، بولجاممەن ولارعا سۋىق ءوتىپ كەتكەن", - دەلىنگەن ءباسپاسوز حابارلامادا.

2011 جىلعى بالا دارىگەرلەردىڭ قاراماعىندا قالعان. ونىڭ جاعدايى - ورتا دەڭگەيلى اۋىرلىق. سونىمەن قاتار، بالالاردى قۇتقارۋ كەزىندە زارداپ شەككەن 1954 جىلعى كۋاگەر دە اۋرۋحاناعا جاتتى. ونىڭ دا جاعدايى ورتا دەڭگەيدە.

ء"ىىم توتەنشە جاعدايلار كوميتەتى بالالاردى قاراۋسىز قالدىرماۋدى سۇرايدى. بالالارعا مۇز ۇستىندە ويناۋ قاۋىپتى ەكەنىن ەسكەرتۋ كەرەك. كۇزگى مۇز قاراشا مەن جەلتوقسان ارالىعىندا دۇرىس قاتپايدى، سول سەبەپتى قاۋىپتى", - دەلىنگەن تجك حابارلاماسىندا.

سوڭعى جاڭالىقتار