9 قاراشا, 18:47 379 0 سىرتقى ساياسات انار لەپەسوۆا

اسقار مامين رەجەپ ەردوعانمەن كەزدەسەدى

2019 جىلعى 10-11 قاراشادا قازاقستان رەسپۋبليكاسىنىڭ پرەمەر-ءمينيسترى اسقار مامين تۇركيا رەسپۋبليكاسىنا جۇمىس ساپارى اياسىندا Cاۋدا-ەكونوميكالىق ىنتىماقتاستىق جونىندەگى قازاقستان–تۇركيا ۇكىمەتارالىق كوميسسياسىنىڭ XI وتىرىسىنا جانە قازاقستان–تۇركيا بيزنەس-فورۋمىنا قاتىسادى. بۇل تۋرالى پرەمەر-ءمينيستردىڭ رەسمي سايتىندا جاريالاندى.

ساپار بارىسىندا قازاقستان ۇكىمەتىنىڭ باسشىسى اسقار مامين مەن تۇركيا رەسپۋبليكاسىنىڭ پرەزيدەنتى رەجەپ ەردوعاننىڭ كەزدەسۋى جوسپارلانعان. قازاقستان–تۇركيا بيزنەس-فورۋمىنا 150-دەن استام قازاقستاندىق جانە 700 تۇرىك كومپانياسىنىڭ وكىلدەرى قاتىسادى.

فورۋم جۇمىسى اياسىندا قر پرەمەر-ءمينيسترى اسقار مامين تۇرىك بيزنەسىنىڭ كوشباسشىلارىمەن، ونىڭ ىشىندە Yildirim, Ronesans, Kibar, Calik, Koc, Zorlu, Eczacibasi حولدينگتەرىنىڭ باسشىلىقتارىمەن بىرقاتار كەزدەسۋلەر وتكىزەدى. فورۋم قورىتىندىسى بويىنشا دەنساۋلىق ساقتاۋ ينفراقۇرىلىمىن دامىتۋ، ءتۋريزمدى، تۇرعىن ءۇي قۇرىلىسىن، سونداي-اق، كولىكتىك-لوگيستيكالىق سەكتوردى دامىتۋ سالاسىنداعى ىنتىماقتاستىق تۋرالى 20-عا جۋىق قۇجاتقا قول قويۋ جوسپارلانعان.

سوڭعى جاڭالىقتار