8 قاراشا, 15:46 278 0 رۋحانيات انار لەپەسوۆا

سەمەي اۋەجايى ابايدىڭ اتىمەن اتالادى

 شىعىس قازاقستان وبلىستىق ءماسليحاتىنىڭ دەپۋتاتتارى سەمەي قالاسىنىڭ اۋەجايىنا اباي ەسىمىن بەرۋ تۋرالى ۇسىنىستى قولدادى. بۇل تۋرالى سەمەي قالاسىنىڭ اقپارات ورتالىعى حابارلادى. 

«سەمەي قالاسىنىڭ اۋەجايىنا اباي ەسىمىن بەرۋ تۋرالى جانە سەمەي قالاسىنىڭ ءبىلىم بەرۋ مەكەمەلەرىنە تانىمال تۇلعالاردىڭ اتتارىن بەرۋ وبلىستىق ونوماستيكالىق كوميسسيادا ماقۇلدانىپ، شىعىس قازاقستان وبلىستىق ءماسليحاتىنىڭ دەپۋتاتتارى تاراپىنان قولداۋ تاپتى. قۇجاتتار رەسپۋبليكالىق ونوماستيكا كوميسسياسىنا جىبەرىلدى»، دەلىنگەن حابارلامادا.

قالاداعى № 49 مەكتەپ تە اقىن اتىمەن اتالادى. ال وسكەمەندەگى گۋمانيتارلىق كوللەدجگە اباي ەسىمى بەرىلۋى مۇمكىن. كەلەسى جىلى ەلىمىز ابايدىڭ 175 جىلدىعىن تويلايدى.

ايتۋلى مەرەيتويعا وراي وبلىس كولەمىندە 500-دەن استام شارا وتەدى. ال، نۇر-سۇلتان قالاسىندا «اباي الەمى» دەگەن ۇلكەن ورتالىق سالىنادى. قالا اكىمشىلىگى ءوز ەسەبىنەن اباي كوشەسىنىڭ بويىندا ۇلى اقىنعا ۇلكەن ەسكەرتكىش ورناتاتىن بولادى. سەمەي قالاسىنداعى وقۋ ورىندارىنا كورنەكتى تۇلعالاردىڭ اتتارى بەرىلەتىن بولدى. № 2 ورتا مەكتەپ - قانىش ساتباەۆ، №3 مەكتەپ-كەشەن – مۇحتار اۋەزوۆ، №34 مەكتەپ باۋىرجان مومىشۇلى، №37 مەكتەپ-گيمنازيا - ىبىراي التىنسارين، №39 مەكتەپ - ءاليحان بوكەيحان، №47 مەكتەپ- احمەت بايتۇرسىنوۆ، پريگورود ورتا مەكتەبى - جۇسىپبەك ايماۋىتوۆتىڭ اتىمەن اتالادى.

 

سوڭعى جاڭالىقتار