6 قاراشا, 23:39 327 0 كولىك دينارا مىڭجاسارقىزى

FlyArystan 6 ايلىق جۇمىس ناتيجەسىن قورىتىندىلادى

 FlyArystan ءبىرىنشى جارتىجىلدىق جۇمىسىن قورىتىندىلاپ، 6 ايدىڭ ىشىندە ۇشاق بورتتارىن 94% جۇكتەپ، رەيستەردىڭ 93% ۋاقىتىلى ورىنداعان ەكەن. بارلىق تاسىمالدانعان جولاۋشىلار سانى 455 مىڭنان اسقانى تۋرالى قۋانا حابارلايدى.

2019 جىلدىڭ 1 مامىرىنان باستاپ وتاندىق لوۋكوستەر 600 000 مىڭنان استام بيلەتتى ساتىپ ۇلگەردى. ولاردىڭ ىشىندە جەلتوقساننىڭ 13-نەن باستاپ ورىندالاتىن نۇر-سۇلتان-ماسكەۋ-نۇر-سۋلتان حالىقارالىق باعىتى بيلەتتەرى دە بار. ءبىرىنشى جارتىجىلدىق جۇمىسىنىڭ قورىتىندىسى بويىنشا 2500 رەيس ورىندالعانىن اتاپ كەتكەن ءجون.

«FlyArystan-نىڭ مينيمالدى تاريفتەرى 3 999 تەڭگەدەن (10 اقش دوللارى) باستالادى. ءاربىر رەيستە ورتاشا ەسەپپەن 170 جولاۋشى ساپار شەگەدى. ولاردىڭ 56% (95 جولاۋشى) ەڭ ارزان 4 برونداۋ كلاسسىنىڭ بيلەتتەرىن ساتىپ الدى، 9% (15 جولاۋشى) ەڭ قىمبات كلاسسىن برونداعان ەكەن. ال قالعانى ورتاشا دەڭگەي بيلەتتەرىن الىپتى. FlyArystan نارىقتا پايدا بولۋىنان كەيىن كوپتەگەن ادامدار باسقا كولىك تۇرلەرىنەن اۋەكەمەگە اۋىسقاندارى الدەقالاي قۋانتادى. وسىنىڭ ءبارى ساتىلعان بيلەتتەردىڭ 47% قۇراعان 10 000 تەڭگەگە (26 اقش دوللارى) دەيىنگى بيلەتتەردىڭ ارقاسىندا پايدا بولعان مۇمكىندىك»، - دەپ ءمالىم ەتتى FlyArystan-نىڭ ساتۋ جانە ماركەتينگ ءبولىمىنىڭ ديرەكتورى جانار جايلاۋوۆا.

جىل سوڭىنا دەيىن لوۋكوستەردىڭ قارقىندى تۇردە دامىپ كەلە جاتقان باعدارلار كەستەسىندەگى 10 ىشكى باعىتقا جاڭادان 3 جاڭا رەيس قوسىلادى. وسىلايشا اۋەتاسىمالداۋشى پاركتەگى ءتورتىنشى ۇشاق بورتىمەن نۇر-سۇلتاننان جۋكوۆسكيگە قاتىناي باستايدى. ال 2020 جىلدىڭ سوڭىنا دەيىن FlyArystan 10 رەاكتيۆتى Airbus A320 ۇشاعىنا دەيىن كوبەيىپ، قاراعاندى مەن اقتوبەدەگى جاڭا بازالاردان رەيستەردى ورىنداي باستايدى. بۇل باعدارلار كەستەسىن 40 باعىتقا دەيىن كەڭەيتۋگە مۇمكىندىك تۋعىزادى.

FlyArystan-نىڭ باسشىلىعى تيم دجورداننىڭ ويىنشا 2020 جىلى قازاقستان الەمدىك ىشكى تاسىمال نارىعىنىڭ ەڭ قارقىندى دامىپ كەلە جاتقان مەملەكەتى بولماق. «2019 جىلدىڭ قازان ايىنىڭ ناتيجەسىمەن بىلتىرعى جىلدىڭ ءدال وسى مەزگىلى ناتيجەسىن سالىستىرعاندا ەلىمىزدىڭ اۋەجولاۋشىلار سانى 33% وسكەن. ءوسىمنىڭ بىردەن-ءبىر سەبەبى FlyArystan لوۋكوستەرىنىڭ پايدا بولۋىمەن تىكەلەي بايلانىستى. بۇل FlyArystan  بيۋدجەتتىك كومپانياسىنا، ەير استانا كومپانيا توبى مەن جالپى بۇكىل قازاقستاندىقتارعا جاعىمدى جاڭالىق بولاتىنى ءسوزسىز سالىستىرمالى تۇردە 2018 جىلى اۋەتاسىمالى ەڭ قارقىندى دامىعان، ياعني جولاۋشىلار سانى 19% وسكەن ەل - ءۇندىستان.» - دەپ ويىمەن FlyArystan لوۋكوستەرىنىڭ باس وكىلەتى ءمالىم ەتتى.

FlyArystan بيۋدجەتتىك اۋەكومپانياسى  – الماتى قالاسىندا نەگىزدەلىپ، Skytrax World Airline Awards باعالاۋىنشا قىزمەت كورسەتۋ ساپاسى 4 جۇلدىزعا سايكەستەنىپ، ورتالىق ازيا مەن ۇندىستانداعى ەڭ ۇزدىك كومپانيا دەپ تانىلعان، «ەير استانا»  اۋەتاسىمالداۋشىسىنىڭ بولىمشەسى.

FlyArystan اۋەفلوتىنىڭ ورتا جاسى 6 جىل،  180 ورنى بار 3  Airbus 320-232 ۇشاقتارىنان قۇرالعان. 2022 جىلعا قاراي پاركتەگى اۋەكەمەلەر سانىن 15 دەيىن جەتكىزىپ، ولاردى قازاقستاننىڭ بىرنەشە ءىرى قالاسىندا نەگىزدەۋ جوسپارلانىپ وتىر. از ۋاقىت بۇرىن لوۋكوستەر بەكەتتەرى الماتى، قاراعاندى مەن اقتوبەدە نەگىزدەيتىنى تۋرالى ءمالىم ەتتى.

سۋرەتتى تۇسىرگەن امير مۋحامەتگالين

سوڭعى جاڭالىقتار