6 قاراشا, 15:02 276 0 الەۋمەت انار لەپەسوۆا

جالدامالى پاتەر: نۇر-سۇلتاندا جاستارعا كومەك بەرەتىن 3 ورتالىق جۇمىس ىستەۋدە

نۇر-سۇلتان قالاسىندا ەتسق مەن جۇمىس ىستەيتىن جاستار ءۇشىن ساتىپ الۋ قۇقىعىنسىز جالعا بەرىلەتىن تۇرعىن ءۇي باعدارلاماسىنا قاتىسۋعا قۇجاتتار ءتىزىمىن بەرەتىن 3 قوسىمشا ورىن اشىلدى. بۇل تۋرالى ەلوردا اكىمدىگىنىڭ ءباسپاسوز قىزمەتى حابارلادى.  

6 قاراشادان باستاپ حالىققا قىزمەت كورسەتۋ ورتالىعىنىڭ قىزمەتكەرلەرى «جانۇيا» وتباسى ينستيتۋتىن قولداۋ ورتالىعىندا، سارىارقا مەن ەسىل اۋداندارىنىڭ open akimat (اشىق اكىمدىك) الاڭىندا جۇمىس ىستەي باستادى. ماماندار جۇمىس ىستەيتىن جاستارعا ارنالعان جالعا بەرىلەتىن تۇرعىن ءۇي باعدارلاماسىنا قاتىسۋ ءۇشىن ەتسق (ەلەكتروندى-تسيفرلىق قول) مەن قاجەتتى قۇجاتتار ءتىزىمىن بەرەدى.

بۇدان باسقا، شتاتتىق رەجيمدە ەتسق قالانىڭ بارلىق حقكو-لارىندا دا بەرىلەدى. جۇمىس ىستەيتىن جاستار ءۇشىن ساتىپ الۋ قۇقىعىنسىز جالعا بەرىلەتىن تۇرعىن ءۇي باعدارلاماسىنا قاتىسۋعا ءوتىنىم قابىلداۋ 5-10 قاراشا ارالىعىندا جۇرگىزىلەدى.

قۇجاتتاردى قابىلداۋ Smart Astana پورتالى ارقىلى جۇزەگە اسىرىلادى. ەتسق بەرۋ بويىنشا قوسىمشا نۇكتەلەردىڭ مەكەن-جايلارى: «جانۇيا» وتباسى ينستيتۋتىن قولداۋ ورتالىعى، بەيبىتشىلىك كوشەسى، 14; سارىركا اۋدانى - سارىارقا ك-ءسى، 13; ەسىل اۋدانى - قابانباي باتىر داڭعىلى، 33.

سوڭعى جاڭالىقتار