6 قاراشا, 13:04 313 0 جاھان انار لەپەسوۆا

دۇنيە جۇزىندەگى ەتنيكالىق قازاقتارعا ەرەكشە قۇقىقتار بەرەتىن ارنايى كۋالىك ازىرلەنبەك

قازاقستاندا الەمدەگى قازاق دياسپورالارىن قولداۋدىڭ مەملەكەتتىك باعدارلاماسى ازىرلەنىپ جاتىر. ول ەتنيكالىق قازاقتارعا ارنايى كۋالىكتەر شىعارۋدى قاراستىرادى، دەپ حابارلادى "وتانداستار" قورىنىڭ ءبىرىنشى ۆيتسە-پرەزيدەنتى تالعات ادۋوۆ.

"دياسپورالاردى قولداۋدىڭ مەملەكەتتىك باعدارلاماسى دايىندالۋدا. 2020 جىلدىڭ كوكتەمىنە قاراي ءبىز ونى اياقتاۋدى جوسپارلاپ وتىرمىز. مەملەكەتتىك باعدارلاما ەل باسشىلىعى دەڭگەيىندە تانىستىرىلادى", - دەدى تالعات ادۋوۆ ومبىداعى قازاقستان مەن رەسەيدىڭ وڭىرارالىق فورۋمى اياسىندا وتكەن بيزنەس-فورۋمدا.

سونىمەن قاتار، 2020 جىلدىڭ كوكتەمىندە "وتانداستار" قورى وتانداستار فورۋمىن وتكىزۋدى جوسپارلاپ وتىر، وندا مەملەكەتتىك باعدارلامانىڭ مۇمكىندىكتەرى جاريا ەتىلەدى.

"مەملەكەتتىك باعدارلامادا جاقسى تەتىكتەر بار، مىسالى، قازاقتىڭ كۋالىگى. بۇل شەتەلدەگى قانداستارىمىزعا قازاقستاندا ساياسي قۇقىقتاردان باسقا، كوپتەگەن قۇقىقتى ءبىزدىڭ ەلدىڭ ازاماتتارىمەن تەڭ جاعدايدا پايدالانۋعا مۇمكىندىك بەرەتىن قۇجات", - دەدى "وتانداستار" قورىنىڭ ءبىرىنشى ۆيتسە-پرەزيدەنتى.

قازاقستان ازاماتتارىنىڭ ساياسي قۇقىقتارىنا قوعامدىق ۇيىمدار قۇرۋ، سايلاۋلار مەن داۋىس بەرۋگە، بەيبىت جينالىستار مەن ميتينگىلەرگە قاتىسۋ كىرەدى.

"وتانداستار" قورى 2017 جىلى قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ تاپسىرماسىمەن قۇرىلدى. قوردىڭ ماقساتى – الەمدەگى وتانداستارعا قولداۋ كورسەتۋ، قازاق دياسپورالارىن بىرىكتىرۋ جانە دۇنيەجۇزىلىك قازاقتار قاۋىمداستىعىنىڭ ءرولىن كۇشەيتۋ.

6-7 قاراشادا ومبى قالاسىندا ۆلاديمير پۋتين مەن قاسىم-جومارت توقاەۆتىڭ قاتىسۋىمەن قازاقستان مەن رەسەيدىڭ ءحVى وڭىرارالىق ىنتىماقتاستىق فورۋمى وتەدى.

 

سوڭعى جاڭالىقتار