6 قاراشا, 11:17 299 0 ايماق انار لەپەسوۆا

الماتىدا تابيعي اپاتتار جايلى ەسكەرتەتىن اۆتوماتتاندىرىلعان ستانتسيالار ىسكە قوسىلدى

الماتىدا ادامنىڭ قاتىسۋىنسىز باقىلاۋ جۇرگىزەتىن ستانتسيالار قولدانىسقا ەنگىزىلدى، دەپ حابارلايدى الماتى قالاسى تجد ءباسپاسوز قىزمەتى. 

ۆەدومستۆونىڭ مالىمەتىنشە، قر ىشكى ىستەر ءمينيسترىنىڭ ورىنباسارى يۋري ءيليننىڭ الماتى قالاسى توتەنشە جاعدايلار دەپارتامەنتىنە جۇمىس ساپارى اياسىندا مۇزداعى كولدەردىڭ جارىلۋ قاۋىپتىلىگىن مونيتورينگىلەۋ مەن باعالاۋعا، گيدرومەتەورولوگيالىق جاعدايعا باقىلاۋ جۇرگىزۋگە جانە الماتى قالاسىنا ىرگەلەس جاتقان اۋماقتىڭ سەل اعىنىنىڭ الدىن الۋعا ارنالعان سەل قاۋپىنىڭ اۆتوماتتاندىرىلعان مونيتورينگ جۇيەسىن (امج) ەنگىزۋ جونىندەگى جۇمىستىڭ جاي-كۇيى تۋرالى باياندالدى.

قازىرگى ۋاقىتتا I كەزەڭ اياقتالدى، ونىڭ شەڭبەرىندە 2 كول ستانتسياسى، 2 وشاقتى، 3 ارنالى ستانتسيا جانە 3 دامبالىق ستانتسيا ۇلكەن جانە كىشى الماتى وزەندەرىندە ورناتىلدى.

مونيتورينگ ستانتسيالارىنان ورتالىق سەرۆەرگە دەيىن دەرەكتەردى بەرۋدىڭ قورعالعان جەلىسى ۇيىمداستىرىلعان. "قازسەلدەنقورعاۋ" مم جانە تجد-دا باعدارلامالىق قامتاماسىز ەتۋ ازىرلەندى جانە ديسپەتچەرلىك ورىندار قۇرىلدى.

Online رەجيمىندەگى فۋنكتسيونال ادامنىڭ قاتىسۋىنسىز تەڭىز-كولدەردىڭ جاي-كۇيى تۋرالى اقپاراتتى ۆيدەوكارتينكامەن بەرۋدى قامتاماسىز ەتەدى.

بۇل ستانتسيالار اۆتوماتتاندىرىلعان رەجيمدە سۋ دەڭگەيىن، اۋا تەمپەراتۋراسىن، توپىراقتىڭ تەمپەراتۋراسى مەن ىلعالدىلىعىن، سۋ تەمپەراتۋراسىن، جاۋىن - شاشىننىڭ قارقىندىلىعىن، سەلدىڭ ءتۇسۋىن، سەيسميكالىق بەلسەندىلىكتى ولشەۋگە 10 پارامەترگە دەيىن مونيتورينگ جۇرگىزۋگە مۇمكىندىك بەرەدى, - دەلىنگەن حابارلامادا.جوبا 2017 جىلى الماتى قالاسى اكىمدىگىنىڭ قولداۋىمەن قر گەوگرافيا ينستيتۋتىمەن بىرلەسىپ ازىرلەنگەن عىلىمي نەگىزدەلگەن ادىستەمە نەگىزىندە ەنگىزىلدى.

جوبانىڭ اياقتالۋى 2020 جىلعا جوسپارلانعان.

سوڭعى جاڭالىقتار