6 قاراشا, 10:51 275 0 الەۋمەت انار لەپەسوۆا

تۇرعىندار قارسى: ەلوردادا ليفت قىزمەتى ءۇشىن تولەم جاساۋ جۇيەسى وزگەردى

ەلورداداعى كوپقاباتتى 15 ۇيدە ليفت قىزمەتى ءۇشىن تولەم جاساۋ جۇيەسى وزگەرىپ كەتتى، دەپ حابارلايدى «حابار 24».

بۇرىن كارتامەن تولەپ كەلگەن تۇرعىنداردى ابونەتتىك تولەمگە اۋىستىرىپ جىبەرگەن. ياعني، ءليفتىنى قولدانساڭ دا، قولدانباساڭ دا ايىنا 1 مىڭ 430 تەڭگە تولەۋگە مىندەتتىسىڭ. بۇل جۇيە ادام سانىنا دا بايلانىستى ەمەس. تولەم جاساۋدىڭ جاڭا ءادىسى كەيبىر تۇرعىنداردىڭ كوڭىلىنەن شىقپاي وتىر.

تۇرعىنداردىڭ كوبى جاڭا جۇيەگە قارسى. ماسەلەن، پاتەردە جالعىز تۇراتىندار بۇرىن ايىنا 500 تەڭگە تولەيتىن. ابونەتتىك تولەمگە وتكەننەن كەيىن، ونىڭ قۇنى ءۇش  ەسە كوبەيىپ كەتكەن. ءليفتىنى مۇلدە قولدانبايتىنداردىڭ شاعىمى ءوز الدىنا. پاتەرلەرى تومەنگى قاباتتا ورنالاسقاندار دا باسقارۋشى كومپانياعا 1430 تەڭگە تولەۋگە مىندەتتى.

ء"بىز جۇبايىمىز ەكەۋمىز 500 تەڭگەدەن تولەيتىنبىز. ول 500, مەن 500 تەڭگە. وسى اقشا ءبىر ايعا جەتەتىن ەدى. ەسكى ادىسپەن سالىستىرساق، قازىرگى جۇيە قىمباتقا شىعىپ تۇر. زەينەتكەرلەرگە تولەۋ وڭاي ەمەس. بۇل ءتاريفتى قايتا قاراۋ كەرەك دەپ ويلايمىن. ءار وتباسىنا 1000 تەڭگە بولسا دا جارايدى عوي. 1, 2, 3 قابات تۇرعىندارى ءتىپتى ليفتىگە مىنبەيدى دە", - دەيدى نارازى تۇرعىنداردىڭ ءبىرى.

ازىرگە، باس قالادا جاڭا جۇيەگە 15 كوشتى. كوندومينيمۋم نىساندارىن باسقارۋ كاسىپورنى وكىلىنىڭ مالىمدەۋىنشە،  تۇرعىنداردىڭ وزدەرى كارتوچكامەن تولەۋدىڭ قولايسىز ەكەنىن ايتىپ، شاعىمدانعان. ياعني، ماسەلەنىڭ ەكى ۇشى بار. قارسى جاق تا، جاڭا ءتاريفتى قولدايتىندار دا بار. بۇل «پيلوتتىق جوبا» بولعاندىقتان، ءالى دە تالقىلانادى.

ء"بىز تۇرعىنداردىڭ تالاپ-تىلەگى بويىنشا جۇمىس ىستەيمىز. ورتاق مۇلىكتى باسقارۋ كەزىندە ولاردىڭ ويى ەسكەرىلەدى. بۇعان دەيىن كارتوچكامەن تولەۋ جۇيەسىن ابونەنتتىك تولەم جۇيەسىنە اۋىستىرۋ تۋرالى وتىنشتەر بولدى. قازىر ءاربىر ءۇيدىڭ تۇرعىندارىمەن جان-جاقتى تالقىلاۋعا دايىنبىز. قاراشا ايىنىڭ بىرىنەن باستاپ، پيلوتتىق جوبا ىسكە قوسىلدى. پاتەر يەلەرى ءليفتىنى ەش كەدەرگىسىز قولدانا الادى. ال بەكىتىلگەن باعا تۋرالى ايتساق، ول تۋرالى تالقىلاپ، ءبىر شەشىمگە كەلۋگە بولادى", - دەيدى باسقارۋشى كومپانيا ديرەكتورى ەرجان يسماعۇلوۆ.

ال ۇلكەن وتباسىلار بولسا، بۇرىنعىداي اقشا سالىپ اۋرە بولمايمىز، ۇيگە كەلگەن قوناقتاردى دا  جەكەلەپ ليفتىمەن كوتەرىپ جۇرمەيمىز، دەپ جاڭا جۇيەنى قولداپ وتىر.

كوپ قاباتتى ۇيلەردىڭ تۇرعىندارى سول ءۇيدىڭ مەنشىك يەسى سانالادى. «تۇرعىن ءۇي قاتىناستارى تۋرالى» زاڭنىڭ 301 بابىنا سايكەس، ليفتىلەر ورتاق مۇلىككە جاتادى. ياعني تۇرعىنداردىڭ پىكىرىمەن ساناسپاي، ەشتەڭە ىستەۋگە بولمايدى. سوندىقتان، تۇرعىنداردىڭ پىكىرىن بىلمەي تۇرىپ، ابونەنتتىك تولەم جۇيەسىن ەنگىزۋ زاڭعا قايشى. قىزمەت كورسەتۋشى كومپانيا ءالى دە بولسا پاتەر يەلەرىنىڭ ۇسىنىستارىن تىڭداۋعا نيەتتى ەكەندىكتەرىن ايتادى. ەگەر دە تۇرعىندار ورتاق مامىلەگە كەلە الماعان جاعدايدا، ساپانى باقىلاۋ باسقارماسىنا شاعىمدانا الادى.

سوڭعى جاڭالىقتار