4 قاراشا, 11:05 369 0 ونەر انار لەپەسوۆا

داڭقتى ءانشى اندرەا بوچەلليمەن ءان سالعان ديماش تىڭدارماندارىن ءسۇيسىنتتى (ۆيدەو)

ديماش قۇدايبەرگەن Instagram جەلىسىندەگى پاراقشاسىندا الەمگە ايگىلى ءانشى اندرەا بوچەلليمەن بىرگە ساحنا سىرتىندا ءان شىرقاعان ۆيدەوسىن جاريالادى. 

تەنور داۋىستى ۇلى ءانشى فورتەپيانودا ويناپ، ديماشتى سۇيەمەلدەدى. قوس ونەر يەسى بىرىگىپ Besame mucho ءانىن شىرقادى.

«ماەسترومەن كورىسپەگەلى كوپ بولدى. گريم بولمەسىندە ءان شىرقاۋدى ۇيعاردىق. ساحاناعا شىعاتىن ءساتتى كۇتۋدەمىز. الەمدەگى ەڭ ادەمى تەنور يەسى اندرەا بوچەلليمەن بىرگە»، - دەپ جازدى ديماش.

ءوز كەزەگىندە ديماشتىڭ جەلىدەگى وقىرماندارى قوس ءانشىنىڭ انىنە ءتانتى بولدى.

«تۋا ءبىتتى انشىلەردىڭ بىرگە ءان شىرقاعانى قانداي كەرەمەت! سونداي جەڭىل ءارى تابيعي. ءبىر وتباسىدان شىققانداي»، «فانتاستيكا دەرسىڭ! براۆو!»، «ەڭ ادەمى تەنور جانە ەڭ عاجايىپ داۋىستىڭ ادەمى يەسى»، «كەرەمەت دۋەت! جارايسىزدار!»، «ديماش ءۇشىن ءارى قۋانىپ، ءارى ماقتانىپ وتىرمىن»، «قۇتتىقتايمىن! قانداي تاماشا! بۇل كەزدەسۋ ەكەۋىڭىزدىڭ بىرلەسكەن شىعارماشىلىقتارىڭىزدىڭ باسى بولسىن دەپ تىلەيمىن!» - دەپ جازدى پىكىر قالدىرۋشىلار.

سوڭعى جاڭالىقتار