1 قاراشا, 12:57 366 0 قاۋىپسىزدىك انار لەپەسوۆا

ەسىرتكى ساۋداسىمەن اينالىساتىن 5 مىڭ سايت بۇعاتتالدى

ەلىمىزدە جىل باسىنان بەرى ەسىرتكى زاتتارىن جارنامالايتىن 5 مىڭ سايتتىڭ جۇمىسى توقتاتىلدى. بۇل تۋرالى قر ءىىم  ەسىرتكى قىلمىسىنا قارسى ءىس-قيمىل دەپارتامەنتىنىڭ باستىعى تىلەگەن ماتكەنوۆ ۆەدومستۆودا وتكەن ءباسپاسوز ءماسليحاتىندا مالىمدەدى. 

«ەسىرتكى قىلمىسىنا قاتىستى جاھاندىق ترەند – كانابيس پەن گەرويندى ەسىرتكىنىڭ سينتەتيكالىق تۇرىمەن ارالاستىرۋ بولىپ تۇر. ەسىرتكىنى زامانعا ساي ادىستەرمەن تاراتۋ قىزىپ تۇرعانىن ايتا كەتۋ كەرەك. اتاپ ايتقاندا، وتكىزۋشىلەر ينتەرنەت-تەحنولوگيالاردىڭ بۇكىل الەۋەتىن پايدالانۋدا. سايتتار مەن الەۋمەتتىك جەلىلەر، ينستاگرام، تەلەگرام، فەيسبۋك، سونىمەن بىرگە ككيۆي-ءاميان، ياندەكس ولاردىڭ قۇرالىنا اينالعان. جىل باسىنان بەرى ءىىم 5 مىڭ سايتتى انىقتالىپ، بۇعاتتالدى. حالىقتىڭ، ۇكىمەتتىك ەمەس ۇيىمداردىڭ وكىلدەرىنىڭ قاتىسۋىمەن ەسىرتكى ساتىلاتىن سايتتارعا سىلتەمە جاسايتىن مىڭنان اسا گرافيتي-سۋرەت جويىلدى»، - دەدى دەپارتامەنت باستىعى.

ونىڭ ايتۋىنشا، رەسپۋبليكاداعى ەسىرتكىگە قاتىستى احۋالعا اۋقىمدى دەڭگەيدە شۋداعى شيكىزاتتىق بازا اسەر ەتەدى. «ەسىرتكىنىڭ ەلدىڭ اۋماعىنداعى تارالۋىنا جول بەرمەۋ ءۇشىن ءبىز جىل سايىن «كوكنار» وپەراتسياسىن وتكىزەمىز. بيىل وپەراتسيا بارىسىندا 898 ەسىرتكىگە قاتىستى قىلمىس انىقتالدى. ونىڭ 411-ءى وتكىزۋمەن بايلانىستى بولسا، 156 جاعدايى اسا ءىرى كولەمدە ساقتاۋمەن بايلانىستى بولعان. 17 توننا ەسىرتكى تۇرلەرى تاركىلەندى»، - دەدى ول.

 

سوڭعى جاڭالىقتار