24 قازان 2019, 21:03 735 0 ەكونوميكا انار لەپەسوۆا

بيزنەستىڭ جول كارتاسى – 2020» باعدارلاماسى 2025 جىلعا دەيىن ۇزارتىلادى

بيزنەستىڭ جول كارتاسى – 2020» باعدارلاماسىنىڭ مەرزىمى 2025 جىلعا دەيىن ۇزارتىلادى. بۇل تۋرالى قر پرەمەر-ءمينيسترى اسقار مامين «اتامەكەن» ۇلتتىق كاسىپكەرلەر پالاتاسىنىڭ VI سەزىندە ايتتى، دەپ حابارلادى primeminister.kz سايتى.

– ۇكىمەت پەن «اتامەكەن» ۇكپ ەلباسى ن.نازارباەۆ پەن پرەزيدەنت ق.توقاەۆتىڭ العا قويعان ەكونوميكانىڭ ساپالى ءوسىمىن قامتاماسىز ەتۋ جانە قازاقستاندىقتاردىڭ ءال-اۋقاتىن ارتتىرۋ جونىندەگى ستراتەگيالىق مىندەتتەرىن ءتيىمدى ىسكە اسىرۋ ءۇشىن تىعىز ءوزارا ءىس-قيمىل ورناتقان»،– دەدى ا.مامين.

بۇگىندە ەلىمىزدىڭ بەلسەندى تۇرعىندارىنىڭ 30% استامى شاعىن جانە ورتا بيزنەسپەن اينالىسادى. ەكونوميكاداعى شوب ۇلەسى 28,5%. «اتامەكەن» ۇكپ-مەن بىرلەسىپ، اتالعان كورسەتكىشتى 2025 جىلى 35% دەيىن جەتكىزۋ جانە 2025 جىلعا قاراي 50% دەيىن جەتكىزۋ جونىندە ستراتەگيالىق مىندەت قويىلعان. ول ءۇشىن جۇيەلى جانە قۇرىلىمدىق شارالار كەشەنى قابىلدانىپ جاتىر. وڭدەۋ ونەركاسىبى، وتىن-ەنەرگەتيكا، اگروونەركاسىپ كەشەنى، تۋريزم، كولىك جانە لوگيستيكا سالالارىنىڭ ينۆەستيتسيالار تارتۋعا ۇلكەن الەۋەتى بار. «ءبىز وتاندىق بيزنەستى اتالعان پروتسەستەرگە بەلسەنە قاتىسۋعا شاقىرامىز جانە قازاقستاندىق ءارى شەتەلدىك ينۆەستورلار ءۇشىن قولايلى جاعدايلار جاساۋعا تىرىسامىز»،– دەدى ا.مامين.

اتقارىلعان جۇمىستاردىڭ ارقاسىندا قازاقستاننىڭ دۇنيەجۇزىلىك بانكتىڭ Doing Business رەيتينگىندەگى پوزيتسياسى 25 ورىنعا دەيىن كوتەرىلدى. بيزنەس احۋالدى ودان ءارى جاقسارتۋ ماقساتىندا زاڭنامالىق باستامالاردىڭ 8-پاكەتى ازىرلەنۋدە. ول بانك شوتتارىن اشۋ، كاسىپورىنداردى تىركەۋ، سونىڭ ىشىندە ققس تولەۋشى رەتىندە تىركەۋ راسىمدەرىن ودان ءارى جەڭىلدەتۋگە، سونداي-اق، مينوريتارلىق اكتسيونەرلەردى قورعاۋدى كۇشەيتۋگە باعىتتالعان. «كاسىپكەرلەردىڭ ادالدىق پرەزۋمپتسياسى» قاعيدالارى زاڭنامالىق تۇردە قويىلادى. بارلىق ولقىلىقتار جانە ارەكەت ەتىپ تۇرعان زاڭنامامەن رەتتەلمەگەن ماسەلەلەر كاسىپكەرلىك سۋبەكتىسىنىڭ پايداسىنا قاراي تۇسىندىرىلەدى. بيزنەس پەن ازاماتتارعا قوسىمشا مىندەتتەر جۇكتەيتىن نورمالارعا قاتىستى «وتپەلى كەزەڭ» قاراستىرىلعان.

ۇكىمەت باسشىسى «بيزنەستىڭ جول كارتاسى – 2020» مەملەكەتتىك باعدارلاماسى ىسكە اسىرىلعان جىلدارى 2,5 ترلن تەڭگە جالپى نەسيە سوماسىنا 14 مىڭنان اسا جوبا سۋبسيديالانعانىن اتاپ ءوتتى. تولەنگەن سۋبسيديالاردىڭ جالپى كولەمى 240 ملرد تەڭگەدەن اسقان. –مەملەكەتتىك باعدارلامانىڭ وتە تيىمدىلىگىن ەسكەرە وتىرىپ، ونى ىسكە اسىرۋ مەرزىمى 2025 جىلعا دەيىن ۇزارتىلاتىن بولادى»،– دەدى ا.مامين. ەلباسىنىڭ 5 الەۋمەتتىك باستاماسىن ىسكە اسىرۋ اياسىندا 24 مىڭعا جۋىق شاعىن نەسيە بەرىلگەن. ناتيجەسىندە، 22 مىڭنان اسا ادام جۇمىسپەن قامتىلدى. «باستاۋ-بيزنەس» جوباسى بويىنشا 3 جىل ىشىندە بيزنەس جۇرگىزۋ نەگىزدەرىنە 88 مىڭنان اسا ادام وقىتىلدى. قىسقا مەرزىمدى كاسىپتىك وقىتۋمەن قوسىمشا 300 مىڭعا جۋىق ادام قامتىلاتىن بولادى.

پرەمەر-مينيستر جەرگىلىكتى قامتۋدى دامىتۋ ەرەكشە باقىلاۋدا ەكەنىن ايتتى، ىشكى نارىقتى قاۋىپسىز ەمەس ءارى ساپاسىز ونىمدەردەن قورعاۋ شارالارى قابىلدانۋدا، «قاراپايىم زاتتار ەكونوميكاسى» جوبالىق كەڭسەسىنىڭ فۋنكتسيونالى ارتتىرىلدى، يمپورت الماستىرۋ ءۇشىن 10 باسىمدىقتى تاۋارلىق توپتار انىقتالدى. «بۇل يمپورتتىڭ $5 ملرد-قا جۋىق قىسقارۋىن قامتاماسىز ەتۋگە، ينفلياتسيا يمپورتىن جانە نەسيەلەردىڭ پايىزدىق مولشەرلەمەلەرىن ازايتۋعا مۇمكىندىك بەرەدى. مۇنداي جوبالار ءۇشىن مەملەكەت بارلىق قاجەتتى قولداۋ شارالارىنىڭ پاكەتىن ۇسىناتىن بولادى»،– دەدى ول.

كاسىپكەرلىكتى دامىتۋ كوبىنە-كوپ وڭىرلىك سيپاتقا يە. وسىعان بايلانىستى ۇكىمەت «اتامەكەن» ۇكپ-مەن بىرلەسىپ وڭىرلەردەگى ءوسۋ كوزدەرىن انىقتاۋ ءۇشىن ەلدىك سكرينينگ جۇرگىزدى. بۇگىندە جۇيەگە رەسپوندەنتتەر تۋرالى 1,8 ملن-عا جۋىق مالىمەتتەر جۇكتەلگەن. ساۋالناما ەلىمىز بويىنشا 6 مىڭ ەلدى مەكەندە جۇرگىزىلىپ جاتىر. سونىڭ ناتيجەسىندە، مەملەكەتتىك قولداۋ شارالارى «اۋداندىق جانە اۋىلدىق وكرۋگتەر دەڭگەيىندە» ازىرلەنەتىن بولادى. ۇكىمەت باسشىسى ماڭىزدى مىندەت رەتىندە قوسىلعان قۇنى اسا جوعارى شيكىزاتتىق ەمەس تاۋارلاردىڭ ەكسپورتىن ارتتىرۋ مىندەتىن اتادى. وسى ماقساتتاردا الداعى 3 جىلعا 500 ملرد تەڭگە قارجى بولىنگەن. ەكسپورتتى ءارتاراپتاندىرۋ ءۇشىن 7 تاۋارلىق توپ انىقتالعان. «ۇكىمەت قازاقستاندا بيزنەس جۇرگىزۋ ءۇشىن ەڭ قولايلى جاعدايلاردىڭ جاسالۋى ءۇشىن بارلىق مۇمكىندىكتەردى جاسايدى. ءبىز بيزنەس-ورتانى ودان ءارى جەتىلدىرۋ بويىنشا جۇمىستاردى جالعاستىرامىز»،– دەدى ا.مامين.

سوڭعى جاڭالىقتار