21 قازان, 15:40 455 0 تەحنولوگيالار انار لەپەسوۆا

سمارتفون تەز قارتايۋعا اسەر ەتەدى

گادجەت ەكراندارى شىعاراتىن كوگىلدىر ساۋلەنىڭ ۇزاق ۋاقىت اسەر ەتۋى كوزدىڭ تور قابىعى مەن مي جاسۋشالارىنا زاقىم كەلتىرەدى. مۇنداي تۇجىرىمدى اقش-تاعى ورەگون ۋنيۆەرسيتەتىنىڭ عالىمدارى جاسادى. زەرتتەۋ ناتيجەلەرى تۋرالى قىسقاشا Science Daily باسىلىمى حابارلادى.

ساراپشىلار Drosophila melanogaster شىبىن دەنەسىنىڭ كۇندەلىكتى 12 ساعاتتىق كوگىلدىر جارىق ديودى اسەرىنە قالاي جاۋاپ بەرەتىنىن تەكسەردى. كۇندىز-ءتۇنى جارىق ساۋلەسىنە ۇشىراعاندار باقىلاۋ توبىنداعى قاراڭعىدا نەمەسە جارىقتا سۇزگىدەن وتكەن كوگىلدىر ساۋلەلەردە جاتقان جاندىكتەردەن بۇرىن ءولىپ جاتتى.

ەكسپەريمەنت توبىنداعى شىبىنداردا ميدىڭ تور قابىعى مەن نەيروندارى، سونداي-اق قوزعالىس بەلسەندىلىگى بۇزىلعان.

كەيبىر جاندىكتەر كوزى دامىماي قالعان مۋتانتتار بولدى. دەگەنمەن، ءتىپتى كوزسىز شىبىنداردىڭ دا ميىندا بۇزىلۋلار بولدى. جالپى، كوگىلدىر جارىق قارتايۋ پروتسەسىن جەدەلدەتىپ، سترەسستەن قورعانىس رەاكتسياسىن جاساۋعا قاتىساتىن كەيبىر گەندەردىڭ بەلسەندىلىگىنە اسەر ەتەدى.

سوڭعى جاڭالىقتار