21 قازان, 13:01 350 0 ءبىلىم انار لەپەسوۆا

قازاقستاندىق مەكتەپتەر 12 جىلدىق ءبىلىم بەرۋگە قاشان كوشەدى؟

12 جىلدىق ءبىلىم جۇيەسىنە كوشۋ مەكتەپتەرگە ۇلكەن سالماق سالادى. سوندىقتان اسىعىس شەشىم جاعدايدى ۋشىقتىرۋى مۇمكىن. 2021 جىلدان باستاپ مەكتەپتەر ون ەكى جىلدىق ءبىلىم بەرۋ جۇيەسىنە كوشەدى. بۇل تۋرالى بۇگىن ءبىلىم جانە عىلىم ءمينيسترى اسحات ايماعامبەتوۆ ايتتى. 

"ون ەكى جىلدىق بىلىمگە 2021 جىلى كوشۋدى جوسپارلاپ وتىرمىز", - دەدى ايماعامبەتوۆ ماجىلىستەگى ۇكىمەت ساعاتىندا.

12 جىلدىق ءبىلىم بەرۋ جۇيەسى 1-11 سىنىپتار جاڭارتىلعان مازمۇنداعى باعدارلاما مەن جاڭا باعالاۋ جۇيەسىنە تولىعىمەن كوشكەننەن كەيىن ەنگىزىلەدى.

"ەگەر اسىعىس شەشىم قابىلداپ، ويلانباستان ارەكەت ەتسەك، جاعدايدى ۋشىقتىرىپ الۋىمىز مۇمكىن. سەبەبى ون ەكى جىلدىق ءبىلىم جۇيەسىنە كوشۋ مەكتەپتەردىڭ ينفراقۇرىلىمىنا ۇلكەن سالماق سالادى. بۇدان بولەك، مۇعالىمدەر دايارلاۋ مەن جاڭا وقۋلىقتار شىعارۋدى تالاپ ەتەدى. ونىڭ ۇستىنە ەلىمىزدە ءۇش اۋىسىمدى مەكتەپتەر دە از ەمەس", - دەدى مينيستر.

ايتۋىنشا، جاڭارتىلعان باعدارلامالار 2015 جىلى بەكىتىلگەن. تيىسىنشە، قازىر بارلىق سىنىپتىڭ 95 پروتسەنتى جاڭارتىلعان مازمۇنعا كوشتى. ال كەلەسى جىلى ون ءبىرىنشى سىنىپتار اۋىسادى دەپ جوسپارلانۋدا.

سوڭعى جاڭالىقتار