21 قازان, 12:54 350 0 ايماق انار لەپەسوۆا

ساعىنتاەۆ كوكتوبەدە كوشەتتەردى وتىرعىزباي، دالاعا تاستاپ كەتكەن باسشىلاردى جازالادى

باقىتجان ساعىنتاەۆ Jasyl Almaty اكتسياسى كەزىندە، كوكتوبەگە سيۆەرس الماسى مەن قىزعالداق كوشەتتەرىن تولىق وتىرعىزباي كەتكەنى ءۇشىن جاسىل ەكونوميكا باسقارماسىنىڭ باسشىسى ەرجان سەيتەنوۆكە سوگىس جاريالادى، دەپ حابارلايدى قازاقپارات. 

«بۇگىن مەن سۆەتلانا سپاتارعا ەرەكشە العىس بىلدىرگىم كەلەدى، ول ءوزىنىڭ بەلسەندى ازامات ەكەنىن كورسەتتى. كوكتوبەدەگى Jasyl Almaty اكتسياسى اياقتالعانان كەيىن، ءبىرتالاي جەمىس اعاشى مەن قىزعالداق گۇلىنىڭ كوشەتتەرىن وتىرعىزباي دالاعا تاستاپ كەتكەنىن ايتتى. ءبىز تەرگەۋ جۇرگىزدىك. ناتيجيەسىندە وسى ۋچاسكەگە جاۋاپتى اكىمدىك قىزمەتكەرى جازالاندى. ميلليون اعاش وتىرعىزعان كەزدە، ءار كوشەت وتىرعىزىلۋى ءتيىس. ءار ادام وزىنە جۇكتەلگەن مىندەتكە جاۋاپكەرشىلىكپەن قاراعانى دۇرىس»،- دەپ اتاپ ءوتتى الماتى قالاسى اكىمىنىڭ ورىنباسارى ەرلان قوجاعاپانوۆ.

اكىم ورىنباسارى دالادا شاشىلىپ قالعان بارلىق كوشەتتەردىڭ، پيتومنيككە ورنالاستىرىلعانىن ايتتى. اكىمدىكتىڭ ءباسپاسوز قىزمەتىنىڭ حابارلاۋىنشا، الماتى قالاسىنىڭ اكىمى باقىتجان ساعىنتاەۆ جاسىل ەكونوميكا باسقارماسىنىڭ باستىعى ەرجان سەيتەنوۆكە سوگىس جاريالادى.

 

سوڭعى جاڭالىقتار