21 قازان, 12:42 348 0 ەكونوميكا انار لەپەسوۆا

قازاقستانعا جىل باسىنان 25 مىڭ توننا شاي مەن كوفە يمپورتتالعان

قازاقستاندا شاي باعاسى جىل ىشىندە 6%-عا قىمباتتاعانىمەن، ىشكى نارىقتا شايدىڭ ساتىلىمى 1,5 %-عا ارتىپ وتىر، دەپ حابارلايدى Energyprom.kz.

قازاقستاندا قايتا وڭدەلگەن شاي مەن كوفە ءوندىرىسى كورسەتكىشى تومەندەپ كەلەدى. بيىلعى قاڭتار-قىركۇيەك ايلارىندا قازاقستاندا 11,5 مىڭ توننا شاي مەن كوفە وندىرىلگەن. بۇل وتكەن جىلدىڭ سايكەس كەزەڭىمەن سالىستىرعاندا 10,4%-عا تومەن.

7 ايدا يمپورتتالعان كوفە مەن شاي 25 مىڭ تونناعا تەڭ. وزىندىك ءوندىرىس سۇرانىستىڭ 26,3% عانا قاناعاتتاندىردى. ىشكى نارىقتا شاي مەن كوفەنىڭ ساتىلىمى 93,7%، نەمەسە 31,8 مىڭ توننا. بۇل وتكەن جىلعى كورسەتكىشتەن 1,5% جوعارى.   ساتىلىم كورسەتكىشىنىڭ ارتۋى باعانىڭ قىمباتتاۋىمەن قاتار كەلدى. بيىلعى جىلدىڭ قىركۇيەك ايىندا قارا شايدىڭ باعاسى 5,8% قىمباتتاپ، كەلىسى 3054,8 تەڭگەگە جەتتى.

شاي باعاسىنىڭ قىمباتتاۋى بويىنشا الماتى قالاسى الدىڭعى ورىندا تۇر. وندا شاي باعاسى 3390 تەڭگە، ال قوستانايدا 3282 تەڭگە بولدى. قازاقستانعا نەگىزىنەن شاي كەنيادان (9 مىڭ توننا), ءۇندىستاننان (7,1 مىڭ توننا) جانە رەسەيدەن (2,4 مىڭ توننا) جەتكىزىلەدى.

 

سوڭعى جاڭالىقتار