20 قازان, 15:09 350 0 ەكونوميكا انار لەپەسوۆا

قىزىلوردالىق كۇرىش موڭعوليا مەن وزبەكستانعا ەكسپورتتالادى

قىزىلوردا وبلىسى موڭعوليا مەن وزبەكستانعا ەكسپورت اشۋدى جوسپارلاپ وتىر. بۇل تۋرالى وبلىستىق اۋىل شارۋاشىلىعى باسقارماسى حابارلادى.

اقپاراتقا سايكەس، وڭىردە كۇرىش وڭدەۋ بويىنشا توقتاپ تۇرعان كاسىپورىن ىسكە قوسىلعان.

"اباي داۋلەت" كومپانياسى 10 جىل بويى توقتاپ تۇرعان 300 ملن تەڭگەگە دەيىنگى باعادا كۇرىش وڭدەۋ زاۋىتىن ساتىپ الىپ، ونى نەمىس قۇرال-جابدىقتارىمەن تولىقتىردى. كۇرىش جارماسى رەسەيگە، موڭعولياعا، ۋكرايناعا، تاجىكستانعا جەتكىزىلەدى", – دەدى باسقارمادا.

العاشقى جەتكىزىلىمدەر تاجىكستانعا جىبەرىلگەن، 31,2 ملن تەڭگەگە 140 توننا استىق ەكسپورتتالدى. سونداي-اق كۇرىش رەسەيگە 6,1 ملن تەڭگەگە ساتىلدى.

"سونىمەن قاتار، وسى جىلى كومپانيا قىزىلوردادا تاۋلىگىنە 7 توننا كۇرىش وندىرەتىن تاعى ءبىر كۇرىش وڭدەيتىن زاۋىتتى 220 مىڭ دوللارعا ساتىپ الدى. كاسىپورىن قىتاي تەحنولوگياسىمەن جابدىقتالعان", — دەپ اتاپ ءوتتى مەملەكەتتىك ورگان.

ايتا كەتەيىك، قازىرگى ۋاقىتتا زاۋىتتا 80 ادام جۇمىسقا ورنالاستىرىلعان.

سوڭعى جاڭالىقتار