19 قازان, 15:43 376 0 ايماق انار لەپەسوۆا

2 توننا: قازاقستاندا باۋىرساق پىسىرۋدەن جاڭا رەكورد ورنادى

تالدىقورعاندا وربۇلاق شايقاسىنىڭ 376 جىلدىعىنا ارنالعان مەرەكەلىك شارا كەزىندە 2 مىڭ كەلى باۋىرساق ءپىسىرىلدى، دەپ حابارلايدى Baq.kz

مەرەكەلىك شارا اياسىندا “باۋىرساق پاتي&QUOT"  فەستيۆالى ۇيىمداستىرىلىپ، باۋىرساق پىسىرۋدەن جاڭا رەكورد ورناتىلدى. 

ۇيىمداستىرۋشىلار باۋىرساق پىسىرۋدەن جاڭا رەكورد ورناتۋ ءۇشىن تاڭعى 7 دەن بەرى جۇمىس ىستەپ جاتقاندارىن ايتادى. 

“بۇگىنگى مەرەكەلىك شاراعا 25 قازان قويىلدى، وندا تاڭعى 7 دەن بەرى باۋىرساق ءپىسىرىپ جاتىرمىز. پىسكەن باۋىرساقتى شەتىنەن ولشەپ حالىققا تەگىن تاراتىپ جاتىرمىز”،-دەيدى شارانى ۇيىمداستىرۋشى قۇرالاي امانتايقىزى.

جاڭا رەكورد تىركەۋ ءۇشىن الماتىدان قازاقستان رەكوردتار كىتابىنىڭ رەكوردتاردى تىركەۋ دەپارتامەنتىنىڭ ديرەكتورى باقىتجان تاستۇلەكوۆ ارنايى كەلىپتى. 

“ەلىمىزدە باۋىرساق پىسىردەن رەكوردتار ءجيى جاڭارىپ تۇرادى. اسىرەسە ناۋرىز مەيرامى مەن باسقا دا مەرەكەلىك شارالاردا. سوڭعى تىركەلگە رەكورد 700 كەلى بولعان. ونى  “جەتىنشى" تەلەارنا  وتباسى كۇنىنە وراي وتكىزگەن شارا كەزىندە پىسىرگەن بولاتىن. باسقا جەرلەردە ودان كوپ پىسىرىلگەن بولۋى مۇمكىن، الايدا سوڭعى رەت رەسمي تىركەلگەن 700 كەلى بولدى. بۇگنگى شارا بارىسىندا رەكورد جاڭارىپ وتىر، بۇل الداعى ۋاقىتتا كىتاپقا 2 توننا باۋىرساق رەتىندە تىركەلەدى”، - دەدى ول. 

 

سوڭعى جاڭالىقتار