18 قازان, 15:47 354 0 جاڭالىقتار انار لەپەسوۆا

ەلباسى توراعالىعىمەن وتكەن جيىننىڭ تولىق نۇسقاسىن "استانا" تەلەارناسى كورسەتەدى

بۇگىن، 18 قازان ساعات 21:00-دە «ASTANA» تەلەارناسىندا پارتيا توراعاسى، تۇڭعىش پرەزيدەنت-ەلباسىنىڭ جانە ۇكىمەتتىڭ قاتىسۋىمەن وتكەن قر پارلامەنتىندەگى «Nur Otan» پارتياسى فراكتسياسى وتىرىسىنىڭ قورىتىندىسى بويىنشا دايىندالعان ارنايى رەپورتاج كورسەتىلىمى بولادى.
ءىس-شارا بارىسىندا ۇكىمەت «Nur Otan» پارتياسىنىڭ سايلاۋالدى باعدارلاماسىنىڭ ىسكە اسىرىلۋى بويىنشا ەسەپ بەردى. ەلباسى پارلامەنتتەگى پارتيا فراكتسياسىنا «سەنىم. ديالوگ. بولاشاققا نىق قادام - «Nur Otan» پارتياسىنىڭ 7 سەرپىنى» اتتى پارتيا جاريالاعان جۇيەلى جاڭعىرۋ شەڭبەرىندە بىرقاتار مىندەتتەر قويدى.
جۇيەلى جاڭعىرۋدىڭ باستى ماقساتى: «Nur Otan» پارتياسى – بيلىك پەن حالىق اراسىنداعى ءتيىمدى كوپىر، سونداي-اق ءار قازاقستاندىقتىڭ ءومىر ساپاسىن جاقسارتۋ جونىندەگى مەملەكەتتىك ينستيتۋتتارعا قوعامدىق ىقپال ەتۋدىڭ باستى قۇرالى.

سوڭعى جاڭالىقتار