18 قازان, 11:22 479 0 الەۋمەت انار لەپەسوۆا

4 ەركەك، 6 ايەل: الماتىدا جىنىسىن اۋىستىرعاندار قاتارى ارتىپ بارادى

2017 جىلدان بەرى الماتىدا 10 ادام جىنىس اۋىستىرۋىنا بايلانىستى جاڭا كۋالىك العان. بۇل تۋرالى قالالىق ادىلەت دەپارتامەنتى حابارلادى.

دەپارتامەنتتىڭ رەسمي وكىلى اسەمگۇل باتىرگەرەەۆانىڭ ايتۋىنشا، جىنىسىن اۋىستىرعان ون ادامنىڭ ىشىندە ءتورت ەر ادام جىنىسىن ايەلگە، ال التى ايەل ادام جىنىسىن ەر ادامعا اۋىستىرعان.

سونداي-اق، دەپارتامەنتتەگىلەر جىنىس اۋىستىرعانداردىڭ قۇجات الۋ ءتارتىبىن ايتىپ ءوتتى. ««نەكە (ەرلى-زايىپتىلىق) جانە وتباسى تۋرالى» كودەكستىڭ 257-بابىنىڭ 13-تارماعىندا جىنىس اۋىستىرۋ ءتارتىبى كورسەتىلگەن. جەكە كۋالىكتى اۋىستىرۋ ءۇشىن احاج بولىمىنە بارىپ، جىنىس اۋىستىرعانى تۋرالى اكت تولتىرۋ قاجەت»، – دەيدى باتىرگەرەەۆا.

ونىڭ ايتۋىنشا، جىنىس اۋىستىرعاندا جاڭا قۇجات الۋ ۋاقىتى ادەتتەگى قۇجات الۋ ۋاقىتىمەن بىردەي.

سوڭعى جاڭالىقتار