18 قازان, 11:09 394 0 رۋحانيات انار لەپەسوۆا

بەلورۋسسيادا قازاق كينوسىنىڭ فەستيۆالى وتەدى

18-20 قازان ارالىعىندا بەلارۋس استاناسى مينسك قالاسىندا قازاق كينوسىنىڭ فەستيۆالى وتەدى، دەپ حابارلايدى  «قازاقفيلم» كينوستۋدياسى.

مادەني ءىس-شارا بارىسىندا قالا تۇرعىندارى مەن قوناقتارىنىڭ نازارىنا ءار ءتۇرلى جانردا تۇسىرىلگەن وتاندىق كينوتۋىندىلار ۇسىنىلادى. فەستيۆالدى قازاقستان رەسپۋبليكاسىنىڭ بەلارۋس رەسپۋبليكاسىنداعى ەلشىلىگىنىڭ قولداۋىمەن قر مادەنيەت جانە سپورت مينيسترلىگى جانە «قازاقفيلم» كينوستۋدياسى ۇيىمداستىرىپ وتىر.

ايتا كەتسەك، بۇل ءىس-شارا بەلارۋس رەسپۋبليكاسىنىڭ پرەزيدەنتى الەكساندر لۋكاشەنكونىڭ الداعى قازاقستانعا جوسپارلانعان رەسمي ساپارى قارساڭىندا وتكىزىلىپ وتىر.

18 قازاندا فەستيۆالدىڭ اشىلۋ سالتاناتىندا قازاقتىڭ تەنور داۋىستى ءبىرتۋار ءانشىسى امىرە قاشاۋباەۆتىڭ ءومىرى تۋرالى باياندايتىن «امىرە» ءفيلمى كورسەتىلەدى. سونداي-اق ءىس-شارا بارىسىندا «قازاقفيلم» كينوستۋدياسىنىڭ باسقا دا تۋىندىلارى – رۇستەم ابدىراشەۆتىڭ «قازاق حاندىعى. التىن تاق»، اقان ساتاەۆتىڭ «اناعا اپارار جول»، فارحات ءشارىپوۆتىڭ «قىزعىلت قويان تۋرالى حيكايا، ەرمەك تۇرسىنوۆتىڭ «شال» جانە «شىراقشى» فيلمدەرى ۇسىنىلادى. ال كىشكەنتاي كورەرمەندەر تولىقمەتراجدى «مۇزبالاق» (رەج. تۇردىبەك مايدان ي تىلەك تولەۋعازى) انيماتسيالىق ءفيلمىن تاماشالاي الادى.

فيلمدەر مينسك قالاسىنداعى «بەلارۋس» كينوتەاترىندا (رومانوۆسكايا سلوبودا كوشەسى، 28) كورسەتىلەدى. كىرۋ تەگىن.

 

سوڭعى جاڭالىقتار