17 قازان, 20:40 376 0 ەكونوميكا انار لەپەسوۆا

كەلەر جىلدان باستاپ 200 تەڭگەلىك مونەتا اينالىسقا شىعادى

قازاقستان ۇلتتىق بانكى 2020 جىلى نومينالى 200 تەڭگەلىك مونەتانى اينالىسقا شىعارادى.

ۇلتتىق بانكتىڭ ماڭىزدى مىندەتتەرىنىڭ ءبىرى قولما-قول اقشا اينالىسىندا جۇرگەن قولما-قول اقشانىڭ ساپاسىن قامتاماسىز ەتۋ بولىپ تابىلادى. بۇل بانكنوتتى ەستەتيكالىق تۇرعىدان قابىلداۋ، ونىڭ سانيتارلىق قاۋىپسىزدىگى جانە قورعالۋ ماسەلەسى.

«تومەن نومينالداعى بانكنوتتار 1-1,5 جىل ىشىندە توزادى. سالىستىرۋ ءۇشىن، جوعارى نومينالداعى بانكنوتتار جانە مونەتالاردىڭ قولدانىلۋ مەرزىمى كوبىرەك. مونەتالاردىڭ قولدانىلۋ مەرزىمى – 10-15 جىل»، - دەدى قولما-قول اقشا اينالىسى دەپارتامەنتى باسشىسى جومارت قاجمۇراتوۆ.

قولما-قول اقشا اينالىسىن ءتيىمدى ۇيىمداستىرۋ جانە تومەن نومينالداردىڭ قولدانىل.ۋ مەرزىمىن ۇلعايتۋ ماقساتىندا، ۇلتتىق بانك نومينالى 200 تەڭگەلىك اينالىستاعى مونەتانى شىعارۋ تۋرالى شەشىم قابىلدادى. «نومينالى 200 تەڭگەلىك بانكنوتتار زاڭدى تولەم قۇرالى بولىپ قالادى جانە تولەمدەردىڭ بارلىق تۇرلەرى بويىنشا قابىلدانۋعا مىندەتتى. ولار تابيعي توزۋىنا قاراي اينالىمنان الىناتىن بولادى»، - دەدى ۇلتتىق بانكتىڭ وكىلى.

نومينالى 200 تەڭگەلىك اينالىستاعى مونەتالاردى اينالىسقا شىعارۋدىڭ جوسپارلانىپ وتىرعان كولەمى اينالىستاعى مونەتالاردىڭ جالپى سوماسىنىڭ 26% قۇرايدى.

سوڭعى جاڭالىقتار