17 قازان, 12:38 342 0 كولىك انار لەپەسوۆا

ەسىرتكى قولدانىپ، ىشىمدىك ىشكەن: الماتى كوشەسىندە ەكى ادامنىڭ ءومىرىن قيعان جۇرگىزۋشى قامالدى

الماتىدا BMW كولىگىنىڭ جۇرگىزۋشىسى جاپپاي جول اپاتىنا سەبەپكەر بولدى. وقيعا سالدارىنان ەكى ادام كوز جۇمدى، دەپ حابارلايدى الماتى قالالىق پوليتسيا دەپارتامەنتىنىڭ ءباسپاسوز قىزمەتى.

كۋاگەرلەردىڭ ايتۋىنشا، BMW كولىگىنىڭ جۇرگىزۋشىسى سەيفۋللين داڭعىلىمەن ءجۇرىپ بارا جاتقان. ول باعدارشامنىڭ قىزىل ءتۇسى جانىپ تۇرعانىنا قاراماستان، توقتاماي جولدىڭ قاراما-قارسى بەتىنە شىعىپ كەتكەن. Audi كولىگىمەن سوقتىعىستى. سوققىنىڭ قاتتى بولعانى سونشالىق كولىك جارناما بيلبوردى، جول بەلگىسى مەن اعاشقا سوعىلدى.
ال BMW اينالىپ بارىپ، Subaru Forester مەن Toyota Carina-مەن سوقتىعىسقان. Audi كولىگىنىڭ ەكى جولاۋشىسى وقيعا ورنىندا جەدەل جاردەم قىزمەتى جەتكەنگە دەيىن كوز جۇمدى. تاعى جەتى ادام زارداپ شەكتى: Audi كولىگىنىڭ جۇرگىزۋشىسى مەن جولاۋشىسى، BMW جۇرگىزۋشىسى مەن ءۇش جولاۋشىسى جانە Subaru جۇرگىزۋشىسى. ولار ءتۇرلى جاراقاتپەن اۋرۋحاناعا جەتكىزىلدى. 

كوپ ۇزاماي ءتارتىپ ساقشىلارى اپاتقا كىنالى دەگەن كۇدىكپەن 20 جاستاعى جىگىتتى ۇستادى. ونىڭ ەسىرتكى قولدانىپ، كولىك تىزگىنىنە وتىرعانى بەلگىلى بولدى. مۇنىڭ ۇستىنە الكوگولدىك ىشىمدىك ىشكەن.

"بۇل فاكت قر قىلمىستىق كودەكسىنىڭ 345-بابىنىڭ 4-بولىگى (كولiكتى باسقاراتىن ادامنىڭ جول ءجۇرىسى نەمەسە كولiكتى پايدالانۋ قاعيدالارىن بۇزۋى، ابايسىزدا ەكi نەمەسە ودان دا كوپ ادامنىڭ ولiمiنە اكەپ سوققان ءىس-ارەكەت) بويىنشا سوتقا دەيىنگى رەەستردە تىركەلدى. BMW كولىگىنىڭ جۇرگىزۋشىسى بىردەن ۇستالدى", - دەلىنگەن الماتى پوليتسيا دەپارتامەنتىنىڭ ءباسپاسوز قىزمەتى تاراتقان حابارلامادا.

ول ۋاقىتشا تەرگەۋ يزولياتورىنا قامالدى. قىلمىستىق ءىستىڭ ماتەريالدارى قالالىق پوليتسيا دەپارتامەنتى تەرگەۋ باسقارماسىنا بەرىلدى. قىلمىستىق كودەكستىڭ 345-بابىنا سايكەس، جۇرگىزۋشى 5 جىلدان 10 جىلعا دەيىن باس بوستاندىعىنان ايىرىلۋى مۇمكىن.

سوڭعى جاڭالىقتار