17 قازان, 12:05 319 0 بيزنەس "تۇركىستان" گازەتىنىڭ اۆتورلارى

جاقاەۆ اۋىلىنداعى جاسامپاز جىگىت

ەكى مارتە سوتسياليستىك ەڭبەك ەرى ىبىراي جاقاەۆتىڭ ەسىمى جۇرتشىلىققا وتە تانىس. قازىر وسى اۋىل اتاقتى كۇرىششىنىڭ ەسىمىمەن اتالادى. ءومىر بويى ديقانشىلىقپەن اينالىسىپ، داڭقى قازاقستان عانا ەمەس، كەڭەس وداعىنا تانىلعان ەڭبەك ەرىنىڭ جولىن جالعاستىرىپ كەلە جاتقاندار جەتەرلىك. وسى اۋىلدا تۋىپ، ديقانشىلىقتى كاسىپ قىلعان اسقار بەردىباەۆتىڭ دا قازىرگى ۋاقىتتا جۇمىسى قارقىن الدى دەسە دە، بولادى. ويتكەنى جانكەشتى ەڭبەكتىڭ قاشان دا ناتيجەسى بار.

 اسقار ايتورەۇلى وسىدان 7 جىلدان اسا ۋاقىت بۇرىن «التىن ءدان» دەپ اتالاتىن شارۋا قوجالىعىن قۇردى. ءبارى دە ماقساتتى جۇمىستىڭ ارقاسى. بۇگىندە شارۋا قوجالىعى ىرىلەندى، قازىر قوجالىق باسشىسى 60 ادامعا جۇمىس تاۋىپ بەرىپ وتىر. ايتا كەتۋ كەرەك، جەرگىلىكتى حا­لىق­تىڭ كوپشىلىگى ەگىن جانە مال شا­رۋا­شىلىعىمەن اينالىسادى. كۇرىش جانە مال ازىعىن دايىندايدى. سىر بويىندا سا­پالى جۇمىسىن كورسەتىپ جاتقان جىگىتتىڭ جوس­پارى قوماقتى، ماقساتى ۇلكەن. اسقار ايتورەۇلى 2017 جىلى 100 باس جىلقى ساتىپ العان. بيىل ونىڭ ءۇشىنشى جىل ءتولىن الىپ جاتىر. شارۋاشىلىق باس­شى­سىنىڭ ايتۋى بويىنشا، قىركۇيەك جانە قازان ايلارىندا تاعى دا 100 باس اسىل تۇقىمدى ءىرى قارا الۋ ويدا تۇر. شا­رۋا­شىلىقتا كۇرىش وڭدەيتىن تسەح بار. بيىل تاعى زاماناۋي ۇلگىدەگى ۇلكەن كۇرىش زاۋى­تىن اشۋ ويدا تۇر. ەگەر بۇل جوبا جۇزەگە اساتىن بولسا، تاۋلىگىنە 60 توننا كۇرىش ءوڭ­دەپ، شىعاراتىن بولادى. ارينە مۇنىڭ بارلىعى دا وڭايلىقپەن كەلگەن جوق. قوجالىق ءىرى، 3 كومبايندى ليزينگتىك نە­سيەگە العان. كومبايننىڭ بارلىعى زاما­ناۋي قۇرىلعىلارمەن جابدىقتالعان. ءىش­ىن­دە كومپيۋتەر، كونديتسيونەر جول با­عى­تىن انىقتاپ وتىراتىن جپس بار. تەح­ني­كانىڭ 70 پايىزى جاڭارتىلعان. جەرگە جانى اشىعان ادام عانا قيىندىقتىڭ ءبارىن ەڭسەرەدى. اسقار بەردىباەۆ ءىستى باستاعاندا مۇنىڭ بارلىعىن دا بىلگەن. ءسويتتى دە، بىلەك سىبانا كىرىستى. سونداعى ويلاعانى – ىبىرايدىڭ اۋىلى – ىرىستى، بەردىباەۆتىڭ اۋىلى بەرەكەلى بولۋى ءتيىس. كۇرىش ەگۋمەن اينالىساتىن شارۋا­شى­لىق­تار العاشقىدا قيىندىقتى باستان كەش­كەنى راس. ەڭسەلەرىن كوتەرە المادى. نەسيە­گە قولدارى جەتپەدى.توزعان جەرلەردى ءتۇ­لە­تۋ كەرەك. ءسويتىپ، ول جۇمىستى قولعا الدى. مايدا شارۋاشىلىقتار ىرىلەنە باستادى. ولاردىڭ سانى كەيىن ونعا جەتتى.

– ارينە، بىزگە ءبارىن دە باسىنان باستاۋ كەرەك بولدى. ارام ءشوپ پەن جيدە، تال باسىپ كەتكەن ەگىستىك القاپتاردىڭ ءبارىن وتادىق، تازارتتىق. تىڭايتتىق. سودان كەيىن تۇراقتى ءونىم الا باستادىق. حا­لىق­تا جەردىڭ پايى عانا بولعان. قازىر جەر ۇلەسى بار حالىققا كۇزدە ديۆيدەند ءتو­لەي­مىز، – دەيدى «التىن ءدان» شارۋا قوجا­لى­عى­نىڭ توراعاسى اسقار بەردىباەۆ.

– جوسپارعا بايلانىستى كۇرىشتى نۇر-سۇلتان، قاراعاندى، الماتى قالالارىنا تۇراقتى جىبەرىپ وتىرامىز. بيىل «يان­تار»، «ليدەر» كۇرىش سورتتتارىن وزبەك­ستان­عا ەكسپورتتاۋدى كوزدەپ وتىرمىز. بىلتىر 900 گەكتار جەرگە كۇرىش ەگىپ، ونىڭ ءار گەكتارىنان 70 تسەنتنەردەن ءونىم الدىق. ءونىمىمىز – ەكولوگيالىق جاعىنان تازا، ساپالى كۇرىش. بيىل اۋىلدا سپورت كە­شەنى مەن كۇرىش زاۋىتىنىڭ قۇرىلىسىن باس­تاي­مىز. كەلەسى جىلى جاڭا ۇلگىدەگى سۋ­پەر­ماركەت سالىپ بەرمەكپىز. ءۇشىنشى جىلى اۋدان كولەمىندە جوق 500-600 ورىن­دىق تويحانا سالۋ جوسپاردا بار. اۋىلىمىز قالادان كەم ەمەس، كەلەر جىلى اۋى­لى­مىز­دى گازبەن جابدىقتاۋ جوسپاردا تۇر. ۇيگە تازا اۋىز سۋ كىرىپ تۇر. بۇدان دا باسقا ويعا العان جوبالار كوپ، – دەيدى «التىن ءدان» شارۋا قوجالىعىنىڭ باس­شىسى اسقار اي­تورەۇلى بەردىباەۆ. «ال­تىن ءدان» شارۋا­شى­لىعى 2016 جىلى تىرلىكتى جانداندىرۋ ءۇشىن 60 ميلليون تەڭگە نەسيە العان. ونى 2018 جىلى تولىق قايتارىپ ءبىتىردى. ال 2019 بارلىق ىستە­لىن­گەن جۇمىستار شارۋا­شىلىقتىڭ ءوز قاراجاتىنا اتقارىلدى.

– كۇرىش ونىمىنەن شيەلىنىڭ داڭقىن شىعارعان ىبىراي جاقاەۆتىڭ اتىنا ەشقاشان كىر كەلتىرمەيمىز. ءبىز ءالى دە وسى اتامىزدىڭ اتىن شىعارامىز. سونداي-اق باستى مىندەتىمىز – شارۋاشىلىقتى كو­تە­رۋ، ۇجىمداعى جۇمىسشىلاردىڭ الەۋ­مەت­تىك جاعدايىن جاساۋ، ولاردىڭ جالاقىسىن ارتتىرۋ، – دەيدى اسقار ايتورەۇلى.

اسقار ايتورەۇلى مەملەكەتتىڭ اۋىل شارۋا­شىلىعىنا جاساعان قولداۋىن سەزى­نىپ وتىر. سۋعا، تىڭايتقىشقا 50 پايىز سۋب­سيديا العان. 200 ميلليون تەڭگەگە 3 كوم­­باين الىندى. ونىڭ 50 ميلليون تەڭ­گەسى تولەندى. دەمەك، جوسپارلى جۇمىس­تىڭ بارلىعى دا تياناقتى ورىندالىپ جاتىر.

ءتورت مىڭعا جۋىق حالىق تۇراتىن جا­قاەۆ اۋىلىنداعى شارۋاشىلىقتىڭ ءتىر­لىگىن دوڭگەلەتكەن اسقارداي ازاماتتىڭ ءبۇ­گىنگى ىسىنە ءبىز وسىلاي سۇيسىندىك. ەل ءىشى وسىنداي ازاماتتاردىڭ ارقاسىندا كور­كەيەدى، گۇلدەنەدى. دەمەك، اسقاردىڭ الار اسۋلارى ءالى الدا. جۇمىستى جانداندىرىپ جاتقان جاسامپاز جىگىتتىڭ جۇمىسىنا ءبىز تاعى دا اق جول تىلەدىك.

 

ميرا بەرىكبولوۆا

سوڭعى جاڭالىقتار