16 قازان, 10:54 294 0 زاڭ انار لەپەسوۆا

اۋىل شارۋاشىلىعى ءبولىمىنىڭ بۇرىنعى باسشىسى 1,6 ملن تەڭگە ايىپپۇل ارقالادى

وسكەمەن قالاسىنىڭ ۆەتەريناريا جانە اۋىل شارۋاشىلىعى ءبولىمىنىڭ بۇرىنعى باسشىسى پارا العانى ءۇشىن سوتتالدى. بۇل تۋرالى قر سىبايلاس جەمقورلىققا قارسى ءىس-قيمىل اگەنتتىگىنىڭ ءباسپاسوز قىزمەتى حابارلادى.

"شىعىس قازاقستان وبلىسىنىڭ سىبايلاس جەمقورلىققا قارسى قىزمەتى وسكەمەن قالاسىنىڭ ۆەتەريناريا جانە اۋىل شارۋاشىلىعى ءبولىمىنىڭ باسشىسى س.س. كۇدەباەۆقا جانە وسى ءبولىمنىڭ باس مامانى ق.ت. سەرىكوۆكە قاتىستى بىرنەشە رەت پارا الدى دەگەن كۇدىكپەن سوتقا دەيىنگى تەرگەۋدى اياقتادى. ولار كاسىپكەرلىك سۋبەكتىلەرىنەن جالپى قامقورلىعى ءۇشىن جۇيەلى نەگىزدە (تۇرمىستىق سىبايلاس جەمقورلىق) پارا الدى دەگەن كۇدىككە ىلىنگەن بولاتىن", - دەلىنگەن حابارلامادا. 

وسى جىلدىڭ 15 قازانىندا وسكەمەن قالاسىنىڭ №2 سوتىنىڭ ۇكىمىمەن اتالعان لاۋازىمدى تۇلعالار پارا العانى ءۇشىن كىنالى دەپ تانىلىپ، ولارعا 1 638 000 تەڭگە مولشەرىندە ايىپپۇل سالىندى، سونداي-اق مەملەكەتتىك قىزمەتتە لاۋازىم اتقارۋ قۇقىعىنان ءومىر بويىنا ايىردى.

سوڭعى جاڭالىقتار