16 قازان, 10:17 285 0 جاڭالىقتار انار لەپەسوۆا

اۆتوبۋسپەن بالا تاسىمالداۋ ءۇشىن پوليتسياعا 3 كۇن بۇرىن حابارلاۋ قاجەت

اقتوبەلىك پوليتسيا قىزمەتكەرلەرى قوعامدىق كولىكتەردى تەكسەرىپ جاتىر. رەسپۋبليكالىق شارا اياسىندا قالاارالىق جانە حالىقارالىق باعىتتارداعى اۆتوبۋستاردىڭ تەحنيكالىق جاعدايى، جولاۋشىلار تاسىمالداۋعا رۇقسات بەرەتىن ءتيىستى قۇجاتتارى باستى نازاردا.

وتكەن ءۇش تاۋلىكتىڭ وزىندە 500-دەن استام اكىمشىلىك قۇقىق بۇزۋشىلىق تىركەلدى دەيدى ءتارتىپ ساقشىلارى. ونىڭ باسىم بولىگى - قوعامدىق كولىك جۇرگىزۋشىلەرىنىڭ قوزعالىس كەزىندە ۇيالى تەلەفوندى قولدانۋى. مەكتەپ وقۋشىلارىنا ارنالعان كولىكتەر دە ءجىتى تەكسەرىلەدى.

ايدوس قۇلجانوۆ، وبلىستىق پد جەرگىلىكتى پوليتسيا قىزمەتىنىڭ بولىمشە باسشىسى:

- دامۋ جانە يندۋستريا مينيسترلىگىنىڭ 349-بۇيرىعىنا سايكەس، بالالار تاسىمالى كەزىندە پوليتسيا دەپارتامەنتىن ءۇش تاۋلىك بۇرىن ارنايى قاتىناس قاعازىن جىبەرىپ، ەسكەرتۋى قاجەت. سونىمەن قاتار پوليتسيا دەپارتامەنتى ءۇش كۇن بۇرىن ونىڭ مارشرۋتتىق باعىتىن تەكسەرىپ، كوشە جول تورابىن قاراپ، سونىمەن قاتار اۆتوكولىكتىڭ تەحنيكالىق جاعدايىن جانە بالالار تاسىمالىنا ارنايى قۇجاتتارىنىڭ بار-جوعى تەكسەرىلۋى قاجەت.

سوڭعى جاڭالىقتار