16 قازان, 10:09 323 0 دەنساۋلىق انار لەپەسوۆا

اقتوبەدە ۋزي كابينەتىندە كوز جۇمعان كەلىنشەكتىڭ ولىمىنە قاتىستى تەرگەۋ باستالدى

اقتوبەدەگى مەديتسينالىق ورتالىقتىڭ ۋلترادىبىستىق زەرتتەۋ (ۋزي) كابينەتىندە جيىرما جاستاعى ايەل قايتىس بولدى.

اقتوبە وبلىستىق پوليتسيا دەپارتامەنتىنىڭ حابارلاۋىنشا، قايعىلى وقيعا 14 قازاندا بولعان.

مەديتسينالىق ورتالىقتىڭ ۋلترادىبىستىق زەرتتەۋ كابينەتىندە 20 جاستاعى ايەلدىڭ كوز جۇمعانى تۋرالى قالالىق پوليتسيا بولىمىنە قوڭىراۋ كەلىپ ءتۇستى. ءولىم دەرەگى بويىنشا سوت-مەديتسينالىق ساراپتاما تاعايىندالدى، دەپ حابارلادى "موي گورود" پورتالى.

الدىن الا مالىمەت بويىنشا، ايەل انافيلاكسيالىق شوكتىڭ (قاتتى اللەرگيالىق رەاكتسيا) سالدارىنان قازا بولۋى مۇمكىن.

پوليتسيا قازاقستان قىلمىستىق كودەكسىنىڭ 317-بابى 3-بولىگى "مەديتسينا نەمەسە فارماتسەۆتيكا قىزمەتكەرىنىڭ كاسiپتىك مiندەتتەرiن تيiسiنشە ورىنداماۋى" بويىنشا سوتقا دەيىنگى تەرگەۋدى باستادى.

بۇل باپ ءۇش جىلعا دەيىنگى مەرزىمگە بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان ايىرا وتىرىپ، بەس جىلعا دەيىنگى مەرزىمگە باس بوستاندىعىنان ايىرۋ جازاسىن قاراستىرادى.

 

سوڭعى جاڭالىقتار