14 قازان, 15:19 297 0 الەۋمەت انار لەپەسوۆا

مينيستر نان باعاسى قانشا تەڭگەگە قىمباتتايتىنىن ايتتى

اۋىل شارۋاشىلىعى ءمينيسترى ساپارحان وماروۆ نان باعاسىنىڭ قىمباتتاۋىنا قاتىستى پىكىر ءبىلدىردى. 

«ناننىڭ قىمباتتاۋى جايلى... مەنىڭ ويىمشا، نان باعاسى وسەدى. بىراق، بۇل شامالى دەڭگەيدە عانا ءوسۋى كەرەك. نان باعاسىنىڭ كۇرت كوتەرىلۋىنە جول بەرمەۋ ءۇشىن ءبىز قازىر تۇراقتاندىرۋ قورىنان استىق ساتىپ الىپ جاتىرمىز. سونىمەن قاتار، ءار وبلىس اكىمدىگى استىق پەن ۇن ساتىپ الادى. جىل سايىن ىشكى نارىقتاعى باعانى تۇراقتاندىرۋ ءۇشىن ازىق-تۇلىك كورپوراتسياسى 150-دەن 250 مىڭ تونناعا دەيىن استىق ساتادى»، - دەدى ساپارحان وماروۆ ۇكىمەتتىڭ ءباسپاسوز ورتالىعىندا.

ول ءوز ءسوزىن ناقتى ساندارمەن كەلتىردى. «باعا ايماقتارعا بايلانىستى. قازىر نان باعاسى 75-85 تەڭگە شاماسىندا. مەنىڭ بولجامىم بويىنشا، نان باعاسى 80-82 تەڭگەگە بارىپ قالۋى كەرەك»، - دەدى مينيستر.

 

 

سوڭعى جاڭالىقتار