14 قازان, 14:24 303 0 جاڭالىقتار ءTúrkىstan International Political Weekly

ارىستاندىقتار نامىستى قولدان بەرمەدى

2019 جىلدىڭ 4-12 قازان ارالىعىندا "ارىستان" مامانداندىرىلعان ليتسەي باستىعىنىڭ كۋبوگىنا ارنالعان فۋتبول ءتۋرنيرى بولدى. 2012 جىلدان باستاۋ العان بۇل فۋتبول جارىسى دەنەشىنىقتىرۋ مەن سپورت ويىندارى بويىنشا مەملەكەتتىك باعدارلامانى دامىتۋدى، بالالار فۋتبولىن دامىتۋ مەن دارىپتەۋدى، سالاۋاتتى ءومىر سالتىن ناسيحاتتاۋدى كوزدەيدى.

"ارىستان" مامانداندىرىلعان ليتسەي باستىعىنىڭ كۋبوگى وسىمەن سەگىز جىل بويى ۇزدىكسىز ءوز ويىنشىلارىن سىنعا سالىپ، شىنىقتىرىپ كەلەدى. بيىل اتالعان شاراعا الماتى قالاسى مەن تالعار اۋدانى بويىنشا كوللەدجدەردەن، جالپى ءبىلىم بەرەتىن مەكتەپتەردەن، سونىمەن قاتار ارناۋلى سپورتتىق جانە اسكەري مەكتەپتەردەن، فۋتبول كلۋبتارىنان جالپى سانى 16 كوماندا قاتىستى.

ءتۋرنيردى "ارىستان" مامانداندىرىلعان ليتسەيىنىڭ باستىعى زاپاستاعى گەنەرال-مايور س.س.تاۋلانوۆ اشىپ، جارىسقا قاتىسۋشىلارعا ساتتىلىك پەن ادال دا ءادىل ويىن تىلەدى. جارىستىڭ اشىلۋ سالتاناتىنا تالعار اۋدانىنىڭ تۋريزم مەن سپورت ءبولىمىنىڭ مامانى ت.ا.سوباليەۆ قاتىستى.

6-9 قازان ارالىعىندا 4 توپتا 4 كوماندا اينالمالى جۇيەدە ءوز باقتارىن سىنادى. توپ بويىنشا ءى مەن ءىى ورىن يەلەنگەن ۇزدىك سەگىز كوماندا 10 قازان كۇنى ءتورتىنشى اقتىق ويىندا جۇزدەستى.

"ارىستان" قۇراماسى قىزىل قايرات اۋىلىنىڭ №19 مەكتەبىمەن كەزدەسىپ، 6-0 ەسەبىمەن جەڭىسكە جەتتى. كەاق رفمم مەن اقسوك اراسىندا بولعان سايىستا كەاق رفمم 9-2 ەسەپپەن العا شىقتى. پانفيلوۆ اۋىلىنىڭ №33 مەكتەبىن ارىستاندىقتار 14-1 كورسەتكىشىمەن بىردەن جەڭدى. ال تۇزدىباستاۋ اۋىلىنىڭ №31 ورتا مەكتەبى 0-4 ناتيجەسىمەن "جاس ۇلان" ارم-نەن جەڭىلىس تاپتى.

ال جارتىلاي فينال كەزىندە الماتى ق. كەاق رفمم مەن "ارىستان" مامانداندىرىلعان ليتسەيى كەزدەسىپ، تابان تىرەسكەن كۇرەستە ارىستاندىقتار 3-2 سەسەبىمەن جەڭىسكە جەتتى. ال ەكىنشى جارتىلاي فينالدا "ارىستان" فۋتبول كلۋبى مەن "جاس ۇلان"ارم اراسىندا بولعان باسەكەدە "جاس ۇلاندىقتاردىڭ" جەڭىسكە دەگەن تالپىنىستارى جەڭىسكە جەتەلەدى.

فينالدا ءىىى پەن ءىV ورىندار ءۇشىن الماتى ق. كەاق رفمم مەن "ارىستان" فك اراسىندا وتە تارتىمدى ويىن ويناتىلدى، ناتيجەسىندە 3-0 ەسەبىمەن ارىستاندىق ليتسەيستەر العا وزدى. ويىن بارىسىندا ءتۋرنيردىڭ ءۇشىنشى ورىن قولا جۇلدەسى الماتى ق. كەاق رفمم قۇراما كومانداسىنا بۇيىردى.

ءى ورىن ءۇشىن وتكەن "ارىستان" فۋتبول كلۋبى مەن "جاس ۇلان" ارم اراسىنداعى تويتارىس كەزىندە ارىستاندىقتار وق بويى العا شىعىپ، جەڭىستىڭ تۇعىرىنا كوتەرىلدى. 2019 جىلدىڭ ءىى ورىن كۇمىس جۇلدەسى "جاس ۇلان"ارم بۇيىردى.

ءدۇبىرلى تۋرنيرگە الماتى قالاسى فۋتبول فەدەراتسياسىنىڭ وكىلدەرى مۋسين ەربول مەن اميروۆ داۋرەن تورەلىك ەتتى.

اقتىق ماتچتىڭ اياقتالۋىنا بايلانىستى ءتۋرنيردىڭ سالتاناتتى جابىلۋى بولىپ، تومەندەگى نوميناتسيالار بويىنشا جارىسقا قاتىسۋشىلاردىڭ ىشىنەن ۇزدىك ويىن كورسەتكەن فۋتبوليستەر انىقتالدى:

- قاقپاعا 11 رەت دوپ سوعىپ، ءتۋرنيردىڭ ۇزدىك شابۋىلشىسى اتانعان "ارىستان" ليتسەيى كومانداسىنىڭ ويىنشىسى سەرىكباي ەراسىل ماراپاتتالدى;

- ناعىز شەبەر ويىنشى دەپ "جاس ۇلان"ارم كومانداسىنىڭ ويىنشىسى قوجابەكوۆ ەراسىل تانىلدى;

- ءتۋرنيردىڭ ۇزدىك قاقپاشىسى نوميناتسياسىن "جاس ۇلان"ارم كومانداسىنىڭ ويىنشىسى ساۆچەنكو ارتۋر جەڭىپ الدى.

"ارىستان" مامانداندىرىلعان ليتسەي باستىعىنىڭ كۋبوگى ءۇشىن بولعان فۋتبول ءتۋرنيرىنىڭ ناتيجەسىندە ءى ورىندى "ارىستان" مامانداندىرىلعان ليتسەيى ۇتىپ الىپ، جەڭىمپاز كۋبوگىنا يە بولدى. وسىلايشا ارىستاندىقتار اتالعان تۋرنير تاريحىندا ءۇشىنشى رەت باس جۇلدەگەر اتانىپ وتىر. ال ءى ورىن "جاس ۇلان"ارم كومانداسىنا بەرىلىپ، مەدال مەن 2-ورىن گراموتاسى تابىستالدى. ال ءىىى ورىن تۇعىرىنا الماتى ق. كەاق رفمم كومانداسى شىعىپ، مەدال مەن 3-ورىن گراموتاسىمەن ماراپاتتالدى. جۇلدەلى ورىن العان كوماندالار مەن ۇزدىك ويىنشالارعا ارنايى باعالى سىيلىقتار تابىستالدى.

يسابەكوۆا جۋلدىز

سوڭعى جاڭالىقتار