13 قازان, 21:38 297 0 سپورت انار لەپەسوۆا

اقش بوكسشىسى جەكپە-جەكتەن كەيىن كوماعا ءتۇستى

ءبىرىنشى ورتاشا سالماقتاعى امەريكالىق بوكسشى پاتريك دەي جەكپە-جەكتەن كەيىن كوماعا ءتۇستى. ول بۇنداي كۇيگە ۋكراينالىق الەكساندر ۋسيكتىڭ اندەركارتىندا نوكاۋتقا تۇسكەننەن كەيىن ۇشىراعان، دەپ حابارلايدى Daily Express.

سپورتشىنىڭ كوماعا ءتۇسۋى العان جاراقاتىنا بايلانىستى ما، الدە دارىگەرلەر ونى ادەيى وسىنداي كۇيگە ءتۇسىردى مە بەلگىسىز. كەيبىر مالىمەت بويىنشا، پاتريك دەيدىڭ ميىنا وتا جاسالىپ جاتىر.

ول ءوز وتانداسى چارلز كونۋەللمەن جەكپە-جەكتىڭ ونىنشى راۋندىندا نوكاۋتقا ءتۇسىپ، دارىگەرلەر بوكسشىنى رينگتەن ەس-ءتۇسسىز كۇيدە الىپ شىققان.

چيكاگوداعى بۇل بوكس كەشىنىڭ باستى جەكپە-جەگىندە ۋسيك مەرزىمىنەن بۇرىنعى جەڭىستەن كەيىن العاش رەت اسا اۋىر سالماقتا ونەر كورسەتتى.
تەگتەر بوكس كوما

سوڭعى جاڭالىقتار