10 قازان, 12:22 189 0 رۋحانيات Túrkistan Gazeti

ايشا شەرحانقىزى: ءبۇتىن قازاق رۋحانياتىنا جاسالعان ايرىقشا قۇرمەت

قازاقستاننىڭ حالىق جازۋشىسى  شەرحان مۇرتازانىڭ الماتىدا تۇرعان ۇيىنە ەسكەرتكىش تاقتا ورناتىلدى. الماتى قالاسىنىڭ اكىمى باقىتجان ساعىنتاەۆ، زيالى قاۋىم وكىلدەرى مەن جازۋشىنىڭ ۇرپاقتارى ارنايى كەلدى.

شەراعاڭنىڭ جارقىن بەينەسىن بەدەرلەگەن مەموريالدى تاقتايشا كەڭەستىك كەزەڭ مەن ودان كەيىنگى تاۋەلسىزدىك جىلدارى ۇلت رۋحانياتىنا سىڭىرگەن ەرەن ەڭبەگىن دارىپتەپ، دارا تۇلعانىڭ ەسىمىن كەيىنگى ۇرپاق ساناسىنا ۇيالاتۋ ماقساتىندا قويىلعان. اتالعان شارا الماتى قالاسى اكىمدىگىنىڭ قولداۋىمەن ۇيىمداستىرىلعان. شارا بارىسىندا ءسوز العان جازۋشىنىڭ قىزى الما شەرحانقىزى: «اكەم حالقىم دەسە جانىن بەرۋگە ءازىر تۇراتىن تۇلعا ەدى. ول اقتىق دەمى قالعانشا كيەلى ءسوز ونەرىنىڭ كيەسىن كەتىرمەۋگە، تۇنىعىن لايلاماۋعا بار كۇشىن سارپ ەتتى. بۇل اكەمە عانا ەمەس، ءبۇتىن قازاق رۋحانياتىنا جاسالعان ايرىقشا قۇرمەت دەپ بىلەمىن»، – دەپ اعىنان جارىلدى. ونان وزگە سەنات دەپۋتاتى نۇرتورە ءجۇسىپ، ءماجىلىس دەپۋتاتى دارحان مىڭباي، قر جازۋشىلار وداعىنىڭ توراعاسى ۇلىقبەك ەسداۋلەت جازۋشىنىڭ شىعارماشىلىعى مەن ارتىندا قالعان باي مۇرالارى جايلى ءسوز سويلەدى.

تاعى ءبىر ايتا كەتەرلىگى، قايراتكەر-قالامگەردى ەسكە الۋعا بيلياردتان  ءداستۇرلى تۋرنير ءوتتى. شەرحان مۇرتازا اتىنداعى تۋرنير سونىمەن قاتار، جازۋشىنىڭ ءوزى قىزمەت اتقارعان «Egemen Qazaqstan» گازەتىنىڭ 100 جىلدىق مەرەيتويىنا وراي ۇيىمداستىرىلىپ وتىر. «اعالار» مەن «جاستار» توبى كوپ ىشىنەن مىقتىنى انىق­تاپ، باعالى سىيلىقتارعا يە بولدى. «اعالار» توبىندا ءبىرىنشى ورىن – ارداگەر جۋرناليست نۇرتىلەۋ يمانعاليۇلى يەلەنسە، «جاس­تار» توبىنداعى ءبىرىنشى ورىن «Al­maty» تەلەارناسى جاڭالىقتار ءبولىمىنىڭ رەداكتورى ۇمبەتالى مەيمەشكە بۇيىردى.

 

سوڭعى جاڭالىقتار