9 قازان, 16:39 186 0 ايماق انار لەپەسوۆا

كوكتوبەگە 40 مىڭ ءتۇپ الما اعاشى وتىرعىزىلادى

كوكتوبەگە 35-40 مىڭ سيۆەرس الما اعاشى جانە «اتاكەنت» اللەياسىنا 3 مىڭ كوشەت وتىرعىزىلادى. بۇل تۋرالى الماتى قالاسى جاسىل ەكونوميكا باسقارماسىنىڭ جاسىل قوردى مونيتورينگىلەۋ جانە باسقارۋ ءبولىمىنىڭ باسشىسى ولجاس جانىسباەۆ مالىمدەدى. 

«بيىل كۇزدە جاسىل ەكونوميكا دەپارتامەنتى الماتى اۋماعىنا 139 مىڭعا جۋىق اعاش وتىرعىزۋدى جوسپارلاپ وتىر. ونىڭ ىشىندە 50 مىڭ اعاشتى وتكەن سەنبىدە موحناتكا تاۋىنا وتىرعىزدىق. وسى سەنبىدە، 12 قازاندا كوكتوبە تاۋىنا 35-40 مىڭ ءتۇپ سيۆەرس الماسى وتىرعىزىلادى. 19 قازاندا «اتاكەنتتە» 3 مىڭعا جۋىق اعاش وتىرعىزىلادى. ودان ءارى كوگالداندىرۋ جالعاسادى، اتلەتيكالىق اۋىلدا 4 مىڭعا جۋىق اعاش، سايالى مولتەك اۋدانىندا 2 مىڭ اعاش، الاتاۋ اۋدانىنداعى «الاتاۋ» تەاترىنىڭ جانىندا 700 اعاش، زەردەلى جانە جاس قانات ىقشام اۋداندارىندا تيىسىنشە 700 جانە 3500 اعاش وتىرعىزىلادى»، - دەيدى جانىسباەۆ.

سوڭعى جاڭالىقتار