9 قازان, 16:14 206 0 الەۋمەت انار لەپەسوۆا

زەينەتاقى جيناعىنداعى قارجىنى شەشىپ الۋدىڭ شارتتارى قانداي؟

زەينەتاقى جيناعىنداعى قارجىنى الۋعا رۇقسات بەرۋ ءۇشىن ۇكىمەت قازاقستاندىقتىڭ قورداعى اقشاسى مەن ءومىر ءسۇرۋ ۇزاقتىعىنا قارايدى. بۇل تۋرالى ءماجىلىس كۋلۋارىندا. پرەمەر-ءمينيستردىڭ ورىنباسارى بەردىبەك ساپارباەۆ ايتتى. 

ۆيتسە-پرەمەردىڭ ايتۋىنشا، قازىر زەينەتاقى جيناعىنداعى قاراجاتتى الۋعا قاتىستى ماسەلە پىسىقتالىپ جاتىر. ارنايى جۇمىس توبى قۇرىلعان.

"بىرىنشىدەن، بۇل ءار ازاماتتىڭ زەينەتاقى جيناعىنا بايلانىستى بولادى. ەكىنشىدەن – ءومىر ءسۇرۋ ۇزاقتىعىنا. بۇل ازامات شامامەن قانشا جىل زەينەتاقى الاتىنىن ەسەپتەيمىز. ياعني، ءومىرىنىڭ قالعان كۇندەرىنە جيناعان قورى جەتە مە، جوق پا، سوعان قارايمىز", - دەدى ساپارباەۆ.

ەسكە سالا كەتسەك، 2 قىركۇيەكتە قاسىم-جومارت توقاەۆ قازاقستان حالقىنا العاشقى جولداۋىندا ۇكىمەت پەن ۇلتتىق بانك زەينەتاقى جۇيەسىنىڭ تيىمدىلىگىن ارتتىرۋى قاجەت ەكەنىن ايتقان بولاتىن.

پرەزيدەنت ۇكىمەتكە جىلدىڭ سوڭىنا دەيىن قازاقستاندىقتاردىڭ زەينەتاقى جيناعىنىڭ ءبىر بولىگىن باسپانا مەن بىلىمگە جۇمساۋعا پايدالانۋ ماسەلەسىن پىسىقتاۋدى تاپسىردى.

 

سوڭعى جاڭالىقتار