4 قازان, 17:21 610 0 ءبىلىم ءTúrkىstan International Political Weekly

ۇستاز ءسوزى ماڭگىلىك...

«مەن ءوزىمنىڭ ۇستازىما اكەمنەن كەم قارىزدار ەمەسپىن: اكەمنەن ءومىر السام، ال اريستوتەلدەن ءومىرىمدى جاقسى وتكىزۋ تۋرالى ءبىلىم الدىم» دەپ ۇلى قولباسشى الەكساندر ماكەدونسكي ايتپاقشى، ۇستاز - ۇلاعاتتى ۇعىم. ۇستاز — جاس ۇرپاقتى، جالپى ادامدى ىزگىلىككە باۋلىپ، جاقسىلىققا تاربيەلەيتىن، ءبىلىم بەرەتىن وقىتۋشى.

ۇستاز ءار ادامنىڭ جانىنا ءبىلىم ءدانىن سەۋىپ، ءار شاكىرتىن ايالاپ، ءومىر اتتى شەكسىز عالامعا توپشىسىن قاتايتىپ ۇشىرادى. «ۇستاز» دەگەن قازاق بالاسى ءۇشىن قاشاندا قاسيەتتى، قادىرلى بولعان. كەز كەلگەن مۇعالىم ۇستاز بولا المايدى. سەبەبى، ۇستازدىق ونەر - تاعىلىمى تەرەڭ ونەر. ال ونەرلى بولۋ كەز كەلگەن ادامعا قونا بەرمەيدى. ولاي بولسا، شىن ۇستاز بولۋ ءۇشىن تابيعي دارىن، ىزگىلىكتى ىزدەنىس پەن ەرەن ەڭبەككە ۇشتاستىرىلۋى شارت.

ۇستازدار كۇنى.

مۇعالىمدەر كۇنى – ەڭ ەرەكشە مەرەكەلەردىڭ ءبىرى.

العاش رەت «دۇنيەجۇزىلىك مۇعالىمدەر كۇنى» 1994 جىلدىڭ 5 قازانىندا تويلانعان. سودان بەرى بارلىق مەرەكەلىك كەش، مەكتەپشىلىك ءىس-شارالار ءدال وسى كۇنى اتالىپ كەلەدى. نەگىزى بۇل مەيرام 1965 جىلدان باستاپ كەڭەستىك سوتسياليستىك رەسپۋبليكالار وداعىندا بەسىنشى قازانعا بەكىتىلگەن بولاتىن. الايدا 1980 جىلدىڭ 1 قازانىندا كسرو-نىڭ جوعارعى كەڭەس پرەزيديۋمىنىڭ جارلىعى بويىنشا «مۇعالىمدەر كۇنى» قازان ايىنىڭ ءبىرىنشى جەكسەنبىسىنە قويىلدى. كەڭەس وداعى ىدىراعاننان كەيىن دە قازاقستان، ءازىربايجان، بەلورۋسسيا، قىرعىزستان، لاتۆيا جانە ۋكراينا ەلدەرى بۇل مەرەكەنى قازان ايىنىڭ العاشقى جەكسەنبىسىندە تويلاپ ءجۇر. سەبەبى تاۋەلسىز مەملەكەتتەردە ۇستازدىڭ اتقاراتىن قىزمەتىنىڭ ءمانى زورايدى. بارلىق عالىم مەن باسشىلار، ءتىپتى، بۇكىل ادامزات بالاسى ۇستازدان ءتالىم-تاربيە الادى.

سونىمەن قاتار، مۇعالىمدەر كۇنىنىڭ تاعايىندالۋىنا 1966 جىلدىڭ 5 قازانىندا پاريجدە وتكەن مۇعالىمدەردىڭ مارتەبەسى تۋرالى ارنايى ۇكىمەتارالىق كونفەرەنتسيا تاريحي نەگىز سالدى. ناتيجەسىندە يۋنەسكو مەن حالىقارالىق ەڭبەك ۇيىمىنىڭ وكىلدەرى «مۇعالىمدەردىڭ مارتەبەسىنە قاتىستى ۇسىنىستار» قۇجاتىنا قول قويدى. قازىردە قازاقستاندا «ۇستاز مارتەبەسى» تۋرالى ءسوز قوزعالۋدا، بۇل بولاشاقتا ءوز جەمىسىن بەرەتىن يگىلىكتى ءىس-شارا.

«ارىستان» مامانداندىرىلعان ليتسەيىنىڭ «ۇستازدار كۇنى» «ارىستان» ليتسەيىندە «ۇستازدار كۇنى» 4 قازاندا تويلاندى. ول كۇنى وقۋشىلار ۇستازداردى ليتسەيگە كەلگەن كەزىنەن وزدەرىنىڭ ونەرلەرىمەنەن قارسى الدى. كەيىنىرەك ۇستازدارعا ارناپ، كونتسەرت دايىندادى. بۇل كونتسەرتتىڭ جوسپارىندا ءار كلاستىڭ وقۋشىلارى ونەرلەرىن كورسەتتى.

ۇستازدار قاۋىمى ءوز شاكىرتتەرىنىڭ ونەرلەرىنە ءدان ريزا بولىپ، العىستارىن ايتتى.

جۋماشەۆ ابىلاي

سوڭعى جاڭالىقتار