22 قىركۇيەك, 21:58 535 0 رۋحانيات انار لەپەسوۆا

"ۇلى دالا تاريحى" ەۋروپانىڭ ەڭ ۇزدىك تۋىندىسى دەپ تانىلدى

پراگادا وتكەن باسپا ۇيلەرى اراسىنداعى حالىقارالىق بايقاۋدىڭ قورىتىندىسى بويىنشا «ۇلى دالا تاريحى» كىتابى ەۋروپانىڭ ەڭ ۇزدىك تۋىندىسى بولىپ تانىلدى. 

سايىسقا 100-دەن استام باسپا ءۇيى قاتىستى. ۇزدىك شىعارمالار قولدانىلعان ماتەريال، تۋىندىنىڭ ىشكى مازمۇنى بويىنشا ىرىكتەلدى.  گەرمانيادا باسىلعان «ۇلى دالانىڭ تاريحى» ەلىمىزدىڭ تۇڭعىش پرەزيدەنتى نۇرسۇلتان نازارباەۆتىڭ «تاريح تولقىنىندا» شىعارماسىنىڭ نەگىزىندە جازىلعان. كىتاپتى بەزەندىرۋمەن بەلگىلى باسپاگەر بەرىك بارىسبەكوۆ اينالىسقان.

بەرىك بارىسبەكوۆ، باسپاگەر:

– بۇل كىتاپتى تۇڭعىش پرەزيدەنت قورىنىڭ تاپسىرىسى بويىنشا قۇراستىردىق. ول نۇرسۇلتان نازارباەۆتىڭ «تاريح تولقىنىندا» شىعارماسى نەگىزىندە جازىلعان. بۇل كىتاپتا ءبىز ۇلى دالا تاريحىن ءبىرشاما تولىق بەرە الدىق دەپ ويلايمىن. وندا قازاقستان تاريحى عانا ەمەس، سونىمەن بىرگە ۇلى دالادا قانداي حالىقتار مەن ۇلى مادەنيەتتەر بولعانى تۋرالى دا اڭگىمەلەنەدى.

توماس ۋەلينگ، باسپاگەر /گەرمانيا/

– "ەڭ ۇزدىك كىتاپ" اتالىمى بويىنشا جەڭىمپاز اتانعانىمىزعا قۋانىشتىمىن. قازاقستانمەن 6 جىلدان بەرى جۇمىس ىستەپ كەلەمىز. ەكسپو كورمەسىنە بارىپ، قازاقستاندى كورىپ قايتتىم. وتە ۇنادى. سوندىقتان بۇل كىتاپ قازاقستاندى تانىپ بىلۋگە كومەكتەسەدى دەپ ويلايمىن.

سوڭعى جاڭالىقتار