20 قىركۇيەك, 10:15 725 0 دەنساۋلىق انار لەپەسوۆا

ءار 11 سەكۋندتا ءبىر ءولىم: الەمدە جىلىنا 2,8 ملن جۇكتى ايەل مەن نارەستە كوز جۇمادى

سوڭعى 20 جىلدا الەمدە انا مەن بالا ءولىمىنىڭ كورسەتكىشتەرى ايتارلىقتاي تومەندەدى. الايدا بۇۇ-نىڭ رەسمي سايتىندا جاريالانعان جاڭا بايانداماعى كورسەتكىشتەر ءالى دە الاڭداتارلىق.

جەتىستىكتەرگە قاراماستان، جۇكتىلىك نەمەسە بوسانۋ كەزىندە ءاربىر 11 سەكۋندتا ءبىر ايەل نەمەسە شاقالاق كوز جۇمادى. بۇۇ بالالار قورى (يۋنيسەف) مەن دۇنيەجۇزىلىك دەنساۋلىق ساقتاۋ ۇيىمى (ددسۇ) ازىرلەگەن جاڭا باياندامادا اتاپ وتىلگەندەي، كوبىنە مۇنداي قايعىلى وقيعالاردىڭ الدىن الۋ مۇمكىندىگى بولعان. بۇعان شۆەتسيا ۇلگى بولا الادى. وندا دۇنيەگە كەلگەن بارلىق نارەستەلەر مەن ولاردىڭ انالارى امان قالادى.

قۇجاتتا الەمدەگى انا مەن ءسابي ءولىم-ءجىتىمىنىڭ ستاتيستيكالىق مالىمەتتەرى كەلتىرىلگەن. 2000 جىلدان باستاپ بالا ءولىمىنىڭ دەڭگەيى ەكى ەسەگە تومەندەگەن، ال انا ءولىمى – ساپالى جانە قولجەتىمدى مەديتسينالىق كومەكتىڭ ارقاسىندا ءۇش ەسەگە ازايعان. سوعان قاراماستان، الەمدە جىل سايىن 2,8 ملن جۇكتى ايەل مەن نارەستە قايتىس بولادى. 2017 جىلى جۇكتىلىك پەن بالا بوسانۋ كەزىندەگى اسقىنۋلار سالدارىنان 290 مىڭ ايەل كوز جۇمعان. 2018 جىلى 6,2 ملن بالا 15 جاسقا دەيىن ءومىر سۇرگەن. ونىڭ ىشىندە 5,3 ملن بالا بەس جاسقا دەيىن جانە جارتىسى 12 ايعا دەيىن كوز جۇمعان.

«ءار ادامدى قاۋىپسىز، قولجەتىمدى جانە ساپالى مەديتسينالىق كومەكپەن قامتاماسىز ەتەتىن ەلدەردە ايەلدەر مەن بالالار امان قالىپ، ءارى قاراي ءومىر سۇرۋدە»، - دەپ مالىمدەدى ددسۇ باس ديرەكتورى تەدروس ادحانوم گەبرەيەسۋس.

ددسۇ مەن يۋنيسەف بىرلەسكەن مالىمدەمەدە دۇنيەجۇزى ەلدەرىن ايەلدەر مەن بالالاردى قۇتقارۋعا باعىتتالعان شارالاردى جولعا قويۋعا شاقىردى. ساراپشىلاردىڭ اتاپ وتۋىنشە، جۇكتى ايەلدەر دۇرىس تاماقتانبايتىن، گيگيەنا ساقتالمايتىن جانە اكۋشەر دارىگەرلەر جەتىسپەيتىن كەدەي مەملەكەتتەردە نارەستەلەرگە قاۋىپ تونۋدە. وسى سەبەپتى، ساحارادان باستاپ افريكانىڭ وڭتۇستىگىندەگى ەلدەردە جۇكتىلىك جانە بوسانۋ كەزىندە ايەلدەردىڭ اجال قۇشۋ كورسەتكىشى باي وڭىرلەرگە قاراعاندا 50 ەسە جوعارى. بالالار ءولىمى بويىنشا ستاتيستيكا دا وسىنداي.

«بۇكىل الەمدە بالانىڭ دۇنيەگە كەلۋى – قۋانىشتى وقيعا. سوعان قاراماستان، ءاربىر 11-سەكۋند كەيبىرەۋلەر ءۇشىن وتباسىلىق قاسىرەتكە اينالىپ وتىر»، - دەدى يۋنيسەف اتقارۋشى ديرەكتورى گەنريەتتا فورە. بايانداما دەرەگى بويىنشا، 2018 جىلى ساحارادان باستاپ افريكانىڭ وڭتۇستىگىندەگى ەلدەردە بەس جاسقا تولماعان ءاربىر 13-بالا كوز جۇمسا، ەۋروپا ەلدەرىندە بۇل قايعىلى جاعداي ءاربىر 196 بالاعا ءتان. يۋنيسەف ساراپشىلارى وڭتۇستىك ازياداعى انا مەن بالا ءولىمىنىڭ جوعارى دەڭگەيىنە الاڭداۋلى. وسىنداي ستاتيستيكالاردىڭ باستى سەبەبى – كەدەيلىك پەن تەڭسىزدىك.

 

 

سوڭعى جاڭالىقتار