19 قىركۇيەك, 16:58 436 0 نۇر وتان انار لەپەسوۆا

قالپىنا كەلگەن قالا: باۋىرجان بايبەك ارىستىقتاردىڭ بۇگىنگى تىنىسىمەن تانىستى

«Nur Otan» پارتياسى توراعاسىنىڭ ءبىرىنشى ورىنباسارى جۇمىس ساپارىمەن تۇركىستان وبلىسىنا كەلىپ، ارىس قالاسىن قالپىنا كەلتىرۋ جۇمىستارىمەن تانىستى. سونداي-اق ايماققا ساپارى بارىسىندا باۋىرجان بايبەك پارتيانىڭ تۇركىستان وبلىستىق جانە قالالىق فيليالىنىڭ قىزمەتكەرلەرىمەن، اۋماقتىق پارتيا فيليالدارى توراعالارىنىڭ ءبىرىنشى ورىنباسارلارىمەن جانە وڭىردەگى باستاۋىش پارتيا ۇيىمدارىنىڭ وكىلدەرىمەن كەزدەستى.

ارىس قالاسىندا بولعان توتەنشە جاعدايدان كەيىن ەلباسى مەن مەملەكەت باسشىسى قالپىنا كەلتىرۋ جۇمىستارى قاتاڭ باقىلاۋدا بولاتىنىن ايتىپ، پارتياعا ناقتى تاپسىرمالار بەرگەن ەدى. سوعان بايلانىستى باۋىرجان بايبەك تۇركىستان وبلىسىنىڭ اكىمى ومىرزاق شوكەەۆپەن بىرگە قالانىڭ احىمبەكوۆ جانە قۇدايبەردىۇلى كوشەلەرىندە جارىلىستان زارداپ شەككەن ۇيلەردىڭ ورنىنا سالىنىپ جاتقان كوپ پاتەرلى نىسانداردىڭ قۇرىلىسىمەن تانىستى.

جەرگىلىكتى تۇرعىندارمەن كەزدەسۋدە پارتيا توراعاسىنىڭ ءبىرىنشى ورىنباسارى قۇرىلىستىڭ پارتيالىق باقىلاۋدا ەكەنىن ايتىپ، ءۇيدىڭ جىل سوڭىنا دەيىن پايدالانۋعا بەرىلەتىنىن جەتكىزدى.

– ارىستىقتارعا قازاق حالقىنىڭ ەل بولىپ كومەك قولىن سوزۋى بىرلىگىمىزدىڭ جارقىن كورىنىسى. قالانى قالپىنا كەلتىرۋ جۇمىستارى تولىق اياقتالعانشا ءبىز پارتيالىق باقىلاۋدى جالعاستىرامىز. بۇل – ەلباسى، پارتيا توراعاسى مەن مەملەكەت باسشىسىنىڭ تىكەلەي تاپسىرماسى، – دەدى باۋىرجان بايبەك.

ءوز كەزەكتەرىندە ارىس تۇرعىندارى قولداۋ كورسەتكەن بارشا قازاقستان حالقى مەن مەملەكەتكە جانە «Nur Otan» پارتياسىنا شەكسىز ريزاشىلىقتارىن ءبىلدىردى.

شىنى كەرەك، العاشىندا ارىستىقتاردىڭ كوڭىلىنەن ءار نارسەگە الاڭداۋشىلىق انىق بايقالاتىن. قازىر كوڭىلدەرى ساباسىنا ءتۇسىپ، جايلانعان. ءتىپتى ولاردىڭ ەرتەڭگى كۇنگە دەگەن سەنىمى كۇشەيىپ، ومىرگە دەگەن قۇلشىنىستارى ارتا تۇسكەنىن دە اڭعارۋ قيىن ەمەس.

سونداي-اق پارتيا توراعاسىنىڭ ءبىرىنشى ورىنباسارى ا.قوجان كوشەسىندە ورنالاسقان يبراگيموۆتەر وتباسىنىڭ ۇيىنە باردى. اتالعان ءۇي اپات سالدارىنان جارامسىز دەپ تانىلىپ، قايتا سالىنعان. باۋىرجان بايبەك شىلدە ايىنىڭ باسىندا ارىسقا جاساعان ساپارىندا دا بۇل ءۇيدىڭ جاعدايىمەن تانىسىپ، پارتيا تاراپىنان قولداۋ كورسەتىلەتىنىن ايتقان بولاتىن. سودان بەرى يبراگيموۆتەر وتباسىندا جاڭا باسپانامەن بىرگە ءسۇيىنشى سۇرار قۋانىش كوبەيىپ، ومىرگە ءىلياس ەسىمدى شەكەسى تورسىقتاي ۇل كەلگەنىن دە ايتا كەتكەن ءجون.

يندۋستريا جانە ينفراقۇرىلىمدىق دامۋ مينيسترلىگىنىڭ مالىمەتتەرىنە سۇيەنسەك، بۇگىندە ارىس قالاسىندا جوندەۋ جۇمىستارىنىڭ 99,3 پايىزى اياقتالعان. ناتيجەسىندە بارلىق الەۋمەتتىك جانە حالىققا قىزمەت كورسەتۋ نىساندارى قالىپتى جۇمىس ىستەپ تۇر.

ەلباسى، پارتيا توراعاسى نۇرسۇلتان ءابىشۇلى نازارباەۆ 21 تامىزدا وتكەن پارتيا ساياسي كەڭەسىنىڭ كەڭەيتىلگەن وتىرىسىندا «سەنىم. ديالوگ. بولاشاققا نىق قادام – «Nur Otan» پارتياسىنىڭ 7 سەرپىنى» اتتى پارتيا جۇمىسىن جۇيەلى جاڭعىرتۋ باعدارلاماسىن ۇسىنىپ، بىرقاتار باسىمدىقتاردى انىقتاپ بەرگەن بولاتىن. قازىرگى تاڭدا وسى باعىتتا اۋقىمدى جۇمىستار قولعا الىنىپ، جۇيەلى تۇردە جۇرگىزىلۋدە. اسىرەسە، حالىقتى الاڭداتقان الەۋمەتتىك ماسەلەلەردى وڭ شەشۋ، ازاماتتاردىڭ ءال-اۋقاتىن جاقسارتۋعا باعىتتالعان مەملەكەتتىك باعدارلامالاردىڭ تابىستى ءارى ۋاقىتىلى ورىندالۋىن پارتيالىق باقىلاۋدى قامتاماسىز ەتۋ، قوعامدى ورتاق مۇددەگە جۇمىلدىرۋ سياقتى يگى ىستەردە پارتيا ءوز بەلسەندىلىگىن كۇشەيتە ءتۇستى.

باۋىرجان بايبەك پارتيانىڭ تۇركىستان وبلىستىق جانە قالالىق فيليالىنىڭ قىزمەتكەرلەرىمەن، اۋماقتىق پارتيا فيليالدارى توراعالارىنىڭ ءبىرىنشى ورىنباسارلارىمەن كەزدەسۋدە وسى ماسەلەلەرگە ەرەكشە نازار اۋداردى.

وسى رەتتە ايتا كەتەر جايت، تۇركىستان وبلىسى پارتيالىق جاڭعىرۋ جۇمىستارىن العاشقىلاردىڭ ءبىرى بولىپ قولعا الىپ، ناتيجەلى جۇزەگە اسىرۋدا. بۇگىندە وبلىس ورتالىعىندا Open space فورماتىندا جۇمىس ىستەيتىن قوعامدىق قابىلداۋ بولمەسى اشىلدى. ەندى بۇل جەردە وبلىستىق فيليال توراعاسىنان باستاپ بارلىق مەملەكەتتىك مەكەمەنىڭ وكىلدەرى تۇراقتى قابىلداۋلار وتكىزىپ تۇرادى.

ساياسي كەڭەستىڭ كەڭەيتىلگەن وتىرىسىندا پارتيا توراعاسى باسا كوڭىل بولگەن باعىتتاردىڭ تاعى ءبىرى باستاۋىش پارتيا ۇيىمدارىنىڭ جۇمىسىن جانداندىرۋ ەكەنى بەلگىلى. سوندىقتان پارتيا توراعاسىنىڭ ءبىرىنشى ورىنباسارى تۇركىستان وبلىسىنا ساپارى كەزىندە «لوكوموتيۆ» اق «تۇركىستان لوكوموتيۆ پايدالانۋ دەپوسى» بازاسىنداعى «تۇركىستان ستانساسى» باستاۋىش پارتيا ۇيىمىنىڭ بەلسەندى مۇشەلەرىمەن كەزدەستى.

كەزدەسۋدە ەلباسى مەن مەملەكەت باسشىسى جۇكتەگەن مىندەتتەردى جۇزەگە اسىرۋعا ءار پارتيالىقتىڭ بەلسەندى قاتىسۋى كەرەكتىگى جانە باستاۋىش ۇيىمدار پارتيانىڭ وزەگى ەكەنى ءسوز بولدى.

نەگىزى 1904 جىلى قالانعان «تۇركىستان لوكوموتيۆ پايدالانۋ دەپوسى» تەمىرجولدا جۇك جانە جولاۋشىلار تاسىمالىن قامتاماسىز ەتەدى. بۇل مەكەمەدە «Nur Otan»-نىڭ باستاۋىش ۇيىمى 2012 جىلى قۇرىلعان. قازىرگى تاڭدا 635 مۇشەسى بار باستاۋىش ۇيىم ايماقتاعى پارتيالىق جۇمىستارعا بەلسەنە قاتىسىپ كەلەدى. «باقىتتى وتباسى»، «ارداگەرلەردى ارداقتايىق»، «كەدەرگىسىز كەلەشەك»، «مەكتەپكە جول» سياقتى الەۋمەتتىك باعىتتاعى پارتيالىق جوبالاردىڭ دا جۇزەگە اسىرىلۋىنا اتالعان ۇيىمنىڭ قوسقان ۇلەسى مول.

سوڭعى جاڭالىقتار