19 قىركۇيەك, 13:05 469 0 الەۋمەت انار لەپەسوۆا

مينيستر مۇعالىمدەردىڭ جالاقىسى قانشالىقتى ارتاتىنىن ايتتى

بۇگىن ماجىلىستە «پەداگوگ مارتەبەسى تۋرالى» جانە «پەداگوگ مارتەبەسى، مۇعالىم مەن وقۋشىعا جۇكتەمەنى تومەندەتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭداردىڭ جوباسى تانىستىرىلدى. بۇل ورايدا ءبىلىم جانە عىلىم ءمينيسترى اسحات ايماعامبەتوۆ مۇعالىمدەردىڭ جالاقىسىن قانشالىقتى ارتتىرۋ جوسپارلانىپ وتىرعانىن مالىمدەدى.

ءبىلىم ءمينيسترى ءوز سوزىندە مەملەكەت بويىنشا مۇعالىمدەردىڭ جالاقىسىنىڭ دەڭگەيى ورتاشادان تومەن ەكەنىن جانە 110 مىڭ تەڭگەنى قۇرايتىنىن ايتتى. ۆەدومستۆو باسشىسىنىڭ سوزىنشە، كەلەسى جىلدان باستاپ مۇعالىمدەردىڭ جالاقىسى 25 پايىزعا ارتادى.

«مينيسترلىك پەداگوگتاردىڭ جالاقىسىن كوتەرۋگە بىرنەشە رەت تالپىنىس جاسادى. الايدا وزگە سالالارداعى جالاقىنىڭ ءوسۋى مۇعالىمدەردىڭ جالاقىسىنىڭ وسۋىنەن ارتىپ وتىردى. پرەزيدەنتىمىزدىڭ تامىز كونفەرەنتسياسىندا بەرگەن تاپسىرمالارىنىڭ اياسىندا، الداعى 4 جىل كولەمىندە مۇعالىمدەردىڭ جالاقىسى ەكى ەسە ارتادى. دەمەك، كەلەسى جىلدان باستاپ پەداگوگتاردىڭ جالاقىسى 25 پايىزعا ارتادى»، - دەيدى مينيستر.

سونىمەن قاتار ول زاڭ جوباسىندا مۇعالىمدەرگە ءوزىنىڭ قۇزىرەتىن ارتتىرۋعا باعىتتالعان ماتەريالدىق ىناتالاندىرۋ نورمالارى قاراستىرىلعانىن جەتكىزدى.

«سىنىپ جەتەكشىلىگى مەن داپتەر تەكسەرگەنى ءۇشىن ەكى ەسە ۇستەماقى، پەداگوگيكالىق شەبەرلىگى ءۇشىن ۇستەماقى، بارلىق پەداگوگ ءۇشىن ەڭبەك دەمالىسى مەرزىمىنىڭ 56 كۇنگە دەيىن ۇزارتىلۋى، تالىمگەرلىگى ءۇشىن ۇستەماقى جانە باسقا دا شارالار مۇعالىمدەر ءۇشىن نەگىزگى ماتەريالدىق ىنتالاندىرۋ بولادى»، - دەيدى ايماعامبەتوۆ.

ءمينيستردىڭ سوزىنشە، سونىمەن قاتار مەكتەپتەردەگى پەداگوگتاردىڭ الەۋەتىنىڭ ساپاسىن ارتتىرۋعا ىنتالاندىرۋ ماقساتىندا، ماگيستر دارەجەسى يەگەرلەرىنە 10 اەك كولەمىندە (25 250 تەڭگە) ۇستەماقى تاعايىنداۋ قاراستىرىلىپ وتىر.

سوڭعى جاڭالىقتار