19 قىركۇيەك, 12:37 441 0 ەكونوميكا دينارا مىڭجاسارقىزى

قازاقستان 2 ملن توننا كومىر ەكسپورتتايدى

ەلباسى ن.نازارباەۆتىڭ «نۇرلى جول – بولاشاققا باستار جول» جولداۋىن ىسكە اسىرۋ ماقساتىندا قابىلدانعان «نۇرلى جول» ينفراقۇرىلىمدى دامىتۋدىڭ 2015-2019 جىلدارعا ارنالعان مەملەكەتتىك باعدارلاماسى الماتى، نۇر-سۇلتان، اقتوبە، شىمكەنت جانە وسكەمەن قا­لالارىن زاماناۋي ينفراقۇرىلىمى بار ۇلتتىق جانە حالىقارالىق دەڭگەيدەگى حاب-قالالار رەتىندە بەلگىلەۋمەن، ەلدىڭ ماكروايماقتارىن قالىپتاستىرۋ ارقىلى قازاقستاننىڭ بىرىڭعاي ەكونوميكالىق نارىعىن قۇرۋ جانە ەلدىك كولىك ينفرا­قۇ­­رىلىمىن حالىقارالىق كولىك جۇيەسىنە بىرىكتىرۋدى قامتاماسىز ەتۋگە باعىتتالعان.

ياعني، مەملەكەتتىك باعدارلاما ازا­ماتتار ءۇشىن تۇرعىن ءۇي قول­جە­تىمدىلىگىن جو­­عارىلاتۋ، كاسىپكەرلىك سۋبەك­تىلەرىنىڭ باسەكەگە قابىلەتىن ارت­تىرۋ، وتاندىق ماشينا قۇراستىرۋدى قول­داۋ، ەكسپورتتى قولداۋ ءتارىزدى باعىتتارىن ىسكە اسىرۋعا جاۋاپ بەرەدى.

ەكونوميكانىڭ جەكەلەگەن سەكتورلا­رىن، وڭدەۋ ونەركاسىبىنىڭ وتاندىق ەكس­پورت­قا شىعارۋشىلاردى قولداۋ جونىندەگى شارالاردى  ىسكە اسىرۋ جانە باسقا ءىس-شارالار  ءوندىرىستىڭ اعىمداعى كولەمىن، قازىرگى جۇمىس ورىندارىن ساقتاۋدى، سون­داي-اق،  سىرتقى نارىقتا كونيۋك­تۋ­رانىڭ ناشارلاۋى جاعدايىندا جاڭا جۇ­مىس ورىندارىن قۇرۋدى قامتاماسىز ەتەدى.

تۇتاس العاندا، ينفراقۇرىلىمدى دا­مى­تۋ ارقىلى  مەملەكەتتىك ينۆەس­تيتسيا­لاردى  ۇلعايتۋ جانە كاسىپكەرلىكتى قولداۋ ارقىلى قىسقا مەرزىمدە ەكونوميكالىق وسىمگە ىقپال ەتىپ قانا قويماي، بولاشاقتا   تۇراقتى ورلەۋگە  العىشارت بولادى دەۋگە نەگىز بار.

ەكسپورت دەمەكشى، بيىل قازاقستان قى­تاي ارقىلى جىلىنا 2 ملن توننا كومىر ەكسپورتقا شىعارادى. قر يندۋستريا جانە ينفراقۇرىلىمدىق دامۋ ءمينيسترى رومان سكليار: «بۇگىندە بۇل باعىتتاعى ءتيىمدى جۇمىستى بايقاپ وتىرمىز. مۇنداي تاجىريبەنى جالعاستىرۋ جاڭا جىبەك جولىن نىعايتىپ، دامىتا تۇسۋگە قىزمەت ەتەتىن بولادى. ءبىز كولىك-لوگيستيكالىق قۋاتتى ودان ارى دامىتۋعا، كولىكتىك الەۋەتتى تولىققاندى پايدالانۋعا نيەت­تىمىز. بۇل ءوزارا ءتيىمدى تاۋار اي­نالىمىن ارتتىرۋعا مۇمكىندىك بەرەدى. بۇعان قوسا، مەملەكەت باسشىسىنىڭ ساپارى اياسىندا جىلىنا 2 ملن تونناعا جۋىق قازاقستان كومىرىن قىتايدىڭ ليانيۋنگان پورتى ارقىلى وڭتۇستىك شىعىس ازيا ەلدەرىنە تاسىمالداۋ تۋرالى الدىن الا ۋاعدا­لاس­تىققا قول جەتكىزىلدى. سونىمەن قاتار پرەزي­دەنتتىڭ ساپارى اياسىندا اۆيا­تسيالىق ىزدەۋ جانە ازاماتتىق كەمەلەردى قۇتقارۋ سالاسىنداعى ىنتىماقتاستىق تۋرالى وتە ماڭىزدى ۇكىمەتارالىق كەلىسىمگە قول قويىلدى»، – دەدى.  سونىمەن قاتار، مينيستر قازاقستان مەن قىتايدىڭ تەرمينالداردى جانە كولىكتىك ينفرا­قۇ­رىلىمداردى ءبىر­لەسىپ پايدالانۋدىڭ الەۋەتى زور ەكەندىگىن باسا ايتتى. بۇل باعىتتاعى ەكى ەلدىڭ ىنتىماقتاستىعى كونتەينەرلىك تاسىمال­دىڭ ارتا تۇسۋىنە سەپتىگىن تيگىزەدى. «نۇرلى جول» باع­دار­لا­ماسىن «ءبىر جول – ءبىر بەلدەۋ» باست­ا­ماسىمەن تۇيىندەستىرۋ جوسپارىن جۇزەگە اسىرۋ اياسىندا 4 جىلدىڭ ىشىندە قىتاي-ەۋروپا-قىتاي باعدارىنداعى كونتەي­­نەر­لىك تاسىمال كولەمى 15 ەسە ءوستى. بۇل باعىتتا 2014 جىلى كونتەينەرلىك جۇك تاسىمالىنىڭ كولەمى 21 مىڭ بولسا، وتكەن جىلدىڭ قورىتىندىسىندا 310 مىڭ كونتەينەرگە جەتتى. جىل سايىنعى ءوسىم 50 پايىزدان اسىپ تۇسەدى»، – دەدى ر.سكليار.

 

سوڭعى جاڭالىقتار